თავდაცვის მინისტრი კორონავირუსისგან გამოჯანმრთელდა, მინისტრთა კაბინეტის დანარჩენი 3 წევრი კი მკურნალობას კვლავ სახლში განაგრძობს
კორონავირუსით ინფიცირებული ოთხი მინისტრიდან სამი მკურნალობის კურსს კვლავ სახლში გადის, ერთი მინისტრი კი გამოჯანმრთელდა და მუშაობას დღეიდან შეუდგა.
ამის შესახებ „ინტერპრესნიუსს“ სამინისტროების პრესსამსახურში განუცხადეს.
იზოლაციის ვადა დაუსრულდა და მუშაობას დღეიდან შეუდგა თავდაცვის მინისტრი ჯუანშერ ბურჭულაძე.
თავს კარგად გრძნობენ და მსუბუქად მიმდინარე კორონავირუსის ფონზე მკურნალობის კურსს კვლავ სახლში განაგრძობენ გარემოს დაცვისა და სოფლის მეურნეობის მინისტრი ლევან დავითაშვილი, განათლებისა და მეცნიერების მინისტრი მიხეილ ჩხენკელი და ინფრასტრუქტურის მინისტრი ირაკლი ქარსელაძე.
