გიორგი მარგველაშვილი თავისი თავის აქტუალიზაციას ცდილობს, - ასე შეაფასა უმრავლესობის წევრმა მამუკა მდინარაძემ ყოფილი პრეზიდენტის გიორგი მარგველაშვილის მიერ მიხეილ სააკაშვილის მონახულების შემდეგ გაკეთებული განცხადებები.

მისი თქმით, როდესაც მარგველაშვილი ამბობს, რომ მიხეილ სააკაშვილი პუტინის პატიმარია - ეს „ნაციონალური მოძრაობის" „მესიჯ-ბოქსია“.

„მან თქვა, რომ მიხეილ სააკაშვილი პუტინის პატიმარიაო და თუ ცოტა ფაქტებზე ვილაპარაკებთ და პუტინის მოკავშირის როლში უფრო წარმოვიდგენთ მიხეილ სააკაშვილს, მაშინ ამ ფონზე, როდესაც ეს ადამიანი იძახის, რომ მიხეილ სააკაშვილი არის პუტინის პატიმარი - ჩნდება „ნაცმოძრაობის" "მესიჯ-ბოქსი, რაც არის ძალიან სამწუხარო იმ ადამიანისგან, რომელიც იყო ამ ქვეყნის პრეზიდენტი მიხეილ სააკაშვილის შემდეგ და თან „ქართული ოცნების" მმართველობის დროს", - განაცხადა მდინარაძემ.

ცნობისთვის, ყოფილმა პრეზიდენტმა გიორგი მარგველაშვილმა ყოფილ პრეზიდენტ მიხეილ სააკაშვილთან შეხვედრის შემდეგ განაცხადა, რომ საქმეებზე, რომლებიც პოლიტიკურად მოტივირებულად ფასდება, პოლიტიკური მორატორიუმი უნდა გამოცხადდეს. ამასთან, მარგველაშვილმა აღნიშნა, რომ სააკაშვილი პუტინის პატიმარია.