გიორგი ბარამიძე - ნიკა მელიას პარტიის თავმჯდომარეობიდან გადაყენებას ნამდვილად არავინ აპირებს

„ნაციონალური მოძრაობის“ წევრის, გიორგი ბარამიძის განცხადებით, „ნაციონალური მოძრაობა“ ნიკა მელიას თავმჯდომარეობიდან გადაყენებას არ აპირებს. როგორც მან ჟურნალისტებთან საუბრისას განმარტა, პარტიაში ყოველთვის არის განსხვავებული აზრი და კამათი.

„ნამდვილად არ აპირებს არც პარტია და არც არავინ ნიკა მელიას თავმჯდომარეობიდან გადაყენებას. თითიდან გამოწოვილია სახელისუფლებო მედიის მცდელობა, რომ რაღაცნაირად წარმოაჩინონ, თითქოს, „ნაციონალურ მოძრაობაში“ ისეთი დაპირისპირებაა, რომელიც არ არის ნორმალური შიდა მსჯელობის ფარგლებში.

მე გუშინაც ვისაუბრე, რომ „ნაციონალურ მოძრაობაში“ ყოველთვის იყო განსხვავებული აზრი და კამათი. მომავალშიც იქნება, ამით განსხვავდება „ნაციონალური მოძრაობა“ ივანიშვილის ყურმოჭრილი მონების ბანდისგან, სადაც მარტო ზევით ყურება - „კი ბატონო“ და „მადლობა, ბატონო ბიძინას“ ძახილი იციან.

„ნაციონალური მოძრაობა“ სხვადასხვა აზრის და შეხედულებების მქონე ადამიანების ერთობა იყო, რომლებსაც აერთიანებთ ის იდეა, რაზეც მიხეილ სააკაშვილმა დააფუძნა ჩვენი პარტია. ეს არის - ძლიერი, დემოკრატიული, ქართული, მაშასადამე, ევროპული განვითარებული, ერთიანი ქართული სახელმწიფო“,- აღნიშნავს ბარამიძე.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას