ჯანდაცვის მინისტრი მიხეილ სააკაშვილზე - დავეხმარებით კვლევის ჩატარება იქნება საჭირო თუ კვალიფიციური ექიმების კონსულტაცია, მაგრამ ამ დრომდე ამის საჭიროება არ იყო და ჩვენთვის არავის მოუმართავს
ჩვენი მხრიდან არის მაქსიმალური მხარდაჭერა, საჭიროების შემთხვევაში დავეხმარებით, - ამის შესახებ ჯანდაცვის მინისტრმა ზურაბ აზარაშვილმა, მთავრობის სხდომის დასრულების შემდეგ მიხეილ სააკაშვილის მკურნალობის პროცესის შესახებ განაცხადა.
როგორც აზარაშვილმა განმარტა, მიხეილ სააკაშვილის ჯანმრთელობის მდგომარეობის საჭიროებიდან გამომდინარე, სამინისტრო გამოთქვამს მზადყოფნას, მესამე პრეზიდენტის სამედიცინო საჭიროებების დაკმაყოფილებაზე, თუმცა, როგორც აზარაშვილმა განაცხადა, აღნიშნულის შესახებ არ მომხდარა ექიმების მხრიდან მიმართვა.
„ჩვენი მხრიდან არის მაქსიმალური მხარდაჭერა და საჭიროების შემთხვევაში ჩვენ დავეხმარებით როგორც ადგილზე ტრანსპორტირებაში, თუ არის ამის საჭიროება, ასევე მაგნიტურ-რეზონანსული კვლევის ჩატარება იქნება თუ კვალიფიციური ექიმების კონსულტაციის, მაგრამ ამ დრომდე, რამდენადაც ვიცი, ამის საჭიროება არ იყო და ჩვენთვის არავის მოუმართავს. ჩვენი მხრიდან არანაირი პრობლემა არ არის, მზად ვართ“, - განაცხადა აზარაშვილმა
