კობა ნაყოფია - მიხეილ სააკაშვილს გამოხატულად აღენიშნება ნევროლოგიური პრობლემები, მიუხედავად ამისა, არაჩვეულებრივ ფორმაშია, პრაქტიკულად 24 საათი მუშაობს
მიხეილ სააკაშვილს აშკარად, გამოხატულად აღენიშნება ნევროლოგიური პრობლემები. მიუხედავად ამისა, ის იმყოფება გონივრულად და არაჩვეულებრივ ფორმაშია, ანუ ანალიზის უნარი აქვს კარგი, ის პრაქტიკულად 24 საათი მუშაობს, - ამის შესახებ „ნაციონალური მოძრაობის“ წევრმა, კობა ნაყოფიამ რუსთავის მე-12 პენიტენციური დაწესებულების დატოვების შემდეგ განაცხადა.
მისი თქმით, მიხეილ სააკაშვილი ეკონომიკურ გეგმაზე მუშაობს, რომელსაც მალე საზოგადოებას წარუდგენს.
„მიხეილ სააკაშვილი ისედაც უჩიოდა ძილის პრობლემებს და ახლა ამბობს, დროც არ მაქვსო იმიტომ, რომ ძალიან ბევრს მუშაობს, ის ახლა მუშაობს ეკონომიკურ პროგრამაზე, ძალიან მალე წარუდგენს საზოგადოებას.
მან თქვა, რომ თუ არ იქნებიან ექიმები დაშვებული მასთან, იძულებული გახდება, რომ ისევ დაიწყოს, მიმართოს პროტესტის უკიდურეს ფორმას და დაიწყოს შიმშილობა.
მიხეილ სააკაშვილს დაიხსნის პირველ რიგში ქართველი ხალხი. საგამოძიებო კომისია ეს არის პოლიტიკური პროცესი, მაგრამ, რა თქმა უნდა, იქნება მუდმივი, პერმანენტული აქციები მთელს ქვეყანაში. ჩვენ გავშლით საპროტესტო მოძრაობას სრულიად საქართველოში და გარწმუნებთ ძალიან მალე”, - განაცხადა კობა ნაყოფიამ.
