კარგია თუ მიხეილ სააკაშვილის პარტია, ყველაზე მსხვილი ოპოზიციური ძალა, კონცენტრირდება რიგგარეშე არჩევნებისა და ივანიშვილის რეჟიმის წინააღმდეგ ბრძოლის პროცესებზე, - ასე ეხმაურება „ევროპული საქართველოს“ გენერალური მდივანი, აკაკი ბობოხიძე მიხეილ სააკაშვილის მიერ გავრცელებულ წერილს, რომლის მიხედვითაც, „უმჯობესი იქნება თუ საინიციატივო ჯგუფი მისი გათავისუფლების კამპანიაზე იმუშავებს, ხოლო საკუთარ თავს მომავალი ხელისუფლების არანაირ კონფიგურაციაში არ წარმოიდგენს“.

მისივე თქმით, პოლიტპატიმრებისა და კონკრეტულად მიხეილ სააკაშვილის თემა უნდა იყოს ივანიშვილის რეჟიმის წინააღმდეგ ერთი მთლიანი ბრძოლის შემადგენელი ნაწილი.

„ამიტომ უნდა ვკონცენტრირდეთ საერთო ინტერესებზე, ეს არის ბრძოლა ბიძინა ივანიშვილის რეჟიმის წინააღმდეგ. კარგია თუ მიხეილ სააკაშვილის პარტია, ყველაზე მსხვილი ოპოზიციური ძალა ამას გაითვალისწინებს და კონცენტრირდება რიგგარეშე არჩევნებისა და ივანიშვილის რეჟიმის წინააღმდეგ ბრძოლის პროცესებზე“, - განაცხადა აკაკი ბობოხიძემ.