ქეთევან ციხელაშვილი

1999 წელს დაამთავრა თბილისის სახელმწიფო უნივერსიტეტის საერთაშორისო ურთიერთობების ფაკულტეტი; 2000 წელს ევროპის ცენტრალურ უნივერსიტეტში (უნგრეთი) მოიპოვა საერთაშორისო ურთიერთობებისა და ევროპული კვლევების მაგისტრის ხარისხი; 2011 წელს იყო აკადემიური მკვლევარი ფრიბურგის უნივერსიტეტში(შვეიცარია), 2006 წლიდან არის ილიას სახელმწიფო უნივერსიტეტის ფილოსოფიისა და სოციალურ მეცნიერებათა ფაკულტეტის დოქტორანტი.

1996-1998წწ. გაეროს ახალგაზრდული ორგანიზაციის საქართველოს განყოფილების(UNOY) პროექტების ასისტენტი; 1998 წელს სამართლიანი არჩევნებისა და დემოკრატიის საერთაშორისო ორგანიზაციის დირექტორის თანაშემწე; 1998-1999წწ. საგარეო საქმეთა სამინისტროს საგარეო პოლიტიკის კვლევისა და ანალიზის ცენტრი, მთავარი სპეციალისტი; 2002-2004წწ. კონფლიქტებისა და მოლაპარაკებების საერთაშორისო კვლევით ცენტრი(ICCN), პროგრამის მენეჯერი და უფროსი ანალიტიკოსი; 2000-2001წწ. რედაქტორის თანაშემწე ელექტრონულ ჟურნალ Transition Online-ში; 2001 წელს მიწვეული მკვლევარი-თანაშემწე უმცირესობების საკითხთა ევროპულ ცენტრში(ECMI), ფლენსბურგი, გერმანია; 2002 წელს ნატოს საპარლამენტო ასამბლეის პოლიტიკისა და თავდაცვის სამმართველოს მკვლევარი-თანაშემწე, ბრიუსელი, ბელგია; 2001-2002წწ. ჰამბურგის უნივერსიტეტის(გერმანია) ეუთოს კვლევის ცენტრის(CORE), მკვლევარი; 2004-2006წწ. კონფლიქტების მოგვარების საკითხებში სახელმწიფო მინისტრის აპარატი, სახელმწიფო მინისტრის თანაშემწე და საერთაშორისო ურთიერთობების სამმართველოს უფროსი სპეციალისტი; 2007-2009წწ. ევროპის სტაბილურობის ინიციატივის(ESI) ანალიტიკოსი საქართველოში; 2002-2010წწ. ფრიდრიხ ნაუმანის სახელობის ფონდის კონსულტანტი საქართველოში; 2008 წლიდან ილიას უნივერსიტეტის ლექტორი; 2012 წელს აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის თავმჯდომარე; 2006-2012წწ. ლიბერალური აკადემია თბილისის(LAT) დირექტორი; 2012 წლიდან საქართველოს სახელმწიფო მინისტრის პირველი მოადგილე შერიგებისა და სამოქალაქო თანასწორობის საკითხებში; 2016 წლის აგვისტოდან მინისტრი შერიგებისა და სამოქალაქო თანასწორობის საკითხებში; 2017 წელს დაინიშნა სახელმწიფო მინისტრად შერიგებისა და სამოქალაქო თანასწორობის საკითხებში.