მაია ცქიტიშვილი

დაბადების ადგილი ქ.თბილისი.

დაამთავრა თბილისის სახელმწიფო უნივერსიტეტის საერთაშორისო ეკონომიკური ურთიერთობების ფაკულტეტი და სწავლობდა პრაღის ეკონომიკის უმაღლეს სკოლაში - საერთაშორისო ვაჭრობის ფაკულტეტზე, რის შემდეგაც სწავლა თბილისში, კავკასიის ბიზნეს სკოლაში განაგრძო. საჯარო სამსახურში გადასვლამდე, დასაქმებული იყო კერძო სექტორში, მმართველ პოზიციებზე შპს "ქართუ მენეჯმენტსა" და სს "პარქაუნთში"; აქვს მენეჯერულ პოზიციებზე მუშაობის გამოცდილება როგორც საავიაციო, ისე სამშენებლო სექტორში. სხვადასხვა დროს, იკავებდა სს "ბაგები სითი ჯგუფში" პროექტების მენეჯერის, შპს "ბურჯში" - ლოჯისტიკის დეპარტამენტის უფროსის მოადგილის, ხოლო შემდეგ - ლოჯისტიკის დეპარტამენტის უფროსის თანამდებობას. მუშაობდა საავიაციო ბიზნესში, ავიაკომპანია "Georgian Air"-ში, უფროს მენეჯერად, ავიაკომპანია "საქართველოს ავიახაზებში", კომერციული დირექტორის თანაშემწედ და ხელშეკრულებების განყოფილების უფროსად. 2012 წლის 1 ნოემბრიდან, იკავებდა საქართველოს მთავრობის კანცელარიის უფროსის თანამდებობას. არის რეგიონული განვითარებისა და ინფრასტრუქტურის მინისტრი. 2018 წლის 17 ივლისიდან საქართველოს ვიცე-პრემიერი.