კრასნოდარის გუბერნატორი - უკრაინის მიერ გელენჯიკზე განხორციელებული თავდასხმის შედეგად ექვსი ადამიანი დაიღუპა
რუსეთში, კრასნოდარის მხარეში, ქალაქ გელენჯიკზე უკრაინელების მიერ განხორციელებული თავდასხმის შედეგად ექვსი ადამიანი დაიღუპა, - ინფორმაციას რუსული მედია კრასნოდარის მხარის გუბერნატორზე, ვენიამინ კონდრატიევზე დაყრდნობით ავრცელებს.
გუბერნატორის განცხადებით, დაღუპულთა შორის სამი ბავშვია.
მისივე ინფორმაციით, დაშავებულია 40 ადამიანი. მათგან 17 საავადმყოფოებში გადაიყვანეს.
