დავით მათიკაშვილი - თუკი ვინმე შეეცდება არჩევნები ჩაშალოს, სათანადო  პასუხი გაეცემა, მაგრამ ვერავინ  ვერაფერს შეძლებს - რადიკალებს ამის არანაირი თავი, ერთი მუჭა რესურსი არ გააჩნიათ

ვერავინ შეძლებს აქ ვერაფრის ჩაშლას - ქართველი ხალხის ნება-სურვილი განხორციელდება და არჩევნები ჩატარდება, ­- ამის შესახებ პარლამენტის საპროცედურო საკითხთა და წესების კომიტეტის თავმჯდომარემ, დავით მათიკაშვილმა ჟურნალისტებთან განაცხადა.

მისი თქმით, თუკი ვინმე თვითმმართველობის არჩევნების ჩაშლას შეეცდება, „სათანადო პასუხი გაეცემა“, თუმცა მათიკაშვილი აქვე დასძენს, რომ „რადიკალებს ამის არანაირი რესურსი არ გააჩნიათ“.

„სათანადო პასუხი გაეცემა, თუკი ვინმე გადაწყვეტს, რომ ხელისუფლების კონსტიტუციური ვალდებულება, რომ საქართველოში საყოველთაო, ღია და თანასწორი არჩევნები უზრუნველყოს, რაიმე ფორმით შებღალოს და ეცადოს ამ ყველაფრის ჩაშლას, მაგრამ დამერწმუნეთ, რომ რადიკალებს ამის არანაირი თავი, ერთი მუჭა რესურსი არ გააჩნიათ,“ - აღნიშნა მათიკაშვილმა.

დეპუტატის განცხადებით, 2024 წლის თვითმმართველობის არჩევნებთან შედარებით, „ქართული ოცნების“ რეიტინგი კიდევ უფრო გაზრდილია და მმართველი პარტია 64-ვე მუნიციპალიტეტში დამაჯერებლად გაიმარჯვებს.

„რა თქმა უნდა, ქართველი ხალხის ნება-სურვილი იქნება განხორციელებული - ჩატარდება არჩევნები. რადიკალებს მძიმე მარცხი ექნებათ, რომელსაც ისინი წესით უკვე უნდა მიეჩვიონ,“ - განაცხადა მათიკაშვილმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას