გია ვოლსკი - პაატა ბურჭულაძის ფიგურა საერთოდ არ შეესაბამება რაიმე პოლიტიკურ პლატფორმაზე საუბარს, ზურაბიშვილი კოლექტიური „ნაცმოძრაობის“ ნაწილია, აი, გედი ფოფხაძის როლი და პლატფორმა კი ჯერ ვერ გამოვიცანით და ალბათ, ესეც ცნობილი გახდება

პაატა ბურჭულაძემ ხან პუტინს უმღერა, ხან რევოლუციურ გეგმას ჩაუდგა სათავეში - მიაჩნია, რომ თვითონ არის ერთადერთი და განუმეორებელი - რასაკვირველია, მასზე ვერ ვილაპარაკებთ როგორც სერიოზულ ადამიანზე, - ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან განაცხადა.

მისი თქმით, პაატა ბურჭულაძის პოლიტიკური კონტექსტი არ არსებობს და სიტყვა „პლატფორმა“ მისგან ძალიან შორსაა.

„არ ვიცი რომელი უფრო წარმატებული იქნება, პაატა ბურჭულაძის პლატფორმა თუ სალომე ზურაბიშვილის პლატფორმა ერთმანეთთან ბრძოლაში, მაგრამ საქართველოში ვერ იქნება წარმატებული. წარმატებული იყო პაატა ბურჭულაძე, როცა მღეროდა მსოფლიოს სცენაზე, შემდეგ უმღეროდა უკვე პუტინს და რუსეთში იყო თანამდებობებზე დანიშნული ადამიანი. ამას ვერანაირად ვერ ჩავუთვლით იმ წარმატებაში, რომელსაც დღეს ჩემულობს, რომ თურმე ეგ არის მედროშე ევროპისაკენ სვლის. არ შეესაბამება პაატა ბურჭულაძის ფიგურა საერთოდ რაიმე პლატფორმაზე საუბარს, მით უმეტეს, სერიოზულ საუბარს. სალომე ზურაბიშვილი, რასაკვირველია, ერთ-ერთი შემადგენელი ნაწილია კოლექტიური „ნაცმოძრაობის“, უბრალოდ განსხვავება ის არის, რომ სალომე ზურაბიშვილს თავისი ქარტიით უნდა „ნაცმოძრაობის“ ლიდერიც გახდეს, მათ შორის და პაატა ბურჭულაძეს მიაჩნია, რომ თვითონ არის ერთადერთი და განუმეორებელი. აი, გედი ფოფხაძის როლი და პლატფორმა ვერ გამოვიცანით ჯერჯერობით და ალბათ, უახლოეს პერიოდში ესეც ცნობილი გახდება.

პაატა ბურჭულაძის პოლიტიკური კონტექსტი არ არსებობს. არსებობს სისულელე, რომელსაც პაატა ბურჭულაძე ხშირად გვთავაზობს, რათა მისი სახელი ხშირად იქნას განმეორებული. სისულელეს ამბობს სულელი. სამწუხარო ფაქტია, მაგრამ პაატა ბურჭულაძე, სადაც იყო გამოჩენილი და მღეროდა მეტროპოლიტენ ოპერაში მაქვს მისი მონაწილეობით მოსმენილი საოპერო დადგმა - „აიდა“. მანდ კარგი იყო და მერე დაიწყო სიმღერები და ფლუგერივით ტრიალი. ხან პუტინს უმღერა, ხან რევოლუციურ გეგმას სათავეში ჩაუდგა. რასაკვირველია, მასზე ვერ ვილაპარაკებთ როგორც სერიოზულ ადამიანზე. ერთი კი შეგვიძლია ვთქვათ, შესანიშნავი სქემით ჩაატარა თაღლითობა, რასაც ჰქვია ვითომდა, უსახლკაროთა და ბავშვთა დახმარება. შესანიშნავი, კარგად გათვლილი თაღლითური სქემა ჩამოაყალიბა მაშინ და დღეს მას ვუყურებთ როგორც რაღაც პოლიტიკურ ლიდერს და რაღაც პლატფორმებზე ვლაპარაკობთ. სიტყვა პლატფორმა პოლიტიკურ თემაშია, პაატა ბურჭულაძესთან მიმართებით არის ძალიან შორს,“ - განაცხადა ვოლსკიმ.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას