გიგი წერეთელი - ჩვენი ამოცანაა, ცვლილებების შემდეგ ქვეყანა ევროინტეგრაციის გზას სწრაფად დაუბრუნდეს, ამისთვის უნდა ვემზადებოდეთ

დღეს, ერთ-ერთი მნიშვნელოვანი საკითხი, ჩვენი საერთაშორისო ურთიერთობებია - სად დგას საქართველო? რა ვითარებაში ვიმყოფებით? - განსაკუთრებით, „MEGOBARI აქტის“ მიღების შემდეგ , - ამის შესახებ „ევროპული საქართველოს“ ლიდერმა, გიგი წერეთელმა საქართველოს მეხუთე პრეზიდენტთან, სალომე ზურაბიშვილთან შეხვედრის შემდეგ განაცხადა.

წერეთლის განმარტებით, მათი ამოცანაა, რომ „ცვლილებების შემდეგ ქვეყანა სწრაფად ევროინტეგრაციის გზას დაუბრუნდეს”.

„საკოორდინაციო ფორმატის ფარგლებში ჩვენ ყოველთვის სხვადასხვა მიმართულების ექსპერტებს ვხვდებით და ამ შემთხვევაში, დღეს გამოცდილ დიპლომატებთან გვქონდა საუბარი. დღეს, ერთ-ერთი მნიშვნელოვანი საკითხი, ჩვენი საერთაშორისო ურთიერთობებია - სად დგას საქართველო? რა ვითარებაში ვიმყოფებით? - განსაკუთრებით, „MEGOBARI აქტის“ მიღების შემდეგ…

ჩვენ მზად უნდა ვიყოთ შესაბამისი ნაბიჯებისთვის, რადგან საქართველომ საბოლოოდ ის ურთიერთობები არ დაკარგოს, რაც აშშ-სთან აქვს. ბუნებრივია, ჩვენი ამოცანაა, რომ ცვლილებების შემდეგ ქვეყანა სწრაფად ევროინტეგრაციის გზას დაუბრუნდეს, ამისთვის უნდა ვემზადებოდეთ.

„MEGOBARI აქტშიც” და ბევრ სხვა დოკუმენტში (ეს იქნება რეზოლუციები თუ სხვა) ძალიან მკაფიოდ აღნიშნულია, რომ ხელისუფლება ყველა მოქმედებაზე პასუხისმგებელია. ეს ვიზებთან დაკავშირებული საკითხი იქნება, თუ ამერიკასთან ურთიერთობის გაფუჭება. ეს ბუნებრივია, რადგან მათ ხელში ბერკეტები აქვთ და ყველა გადაწყვეტილება, რაც ქვეყანას აზარალებს, სწორედ მათი შემოქმედებაა”, - განაცხადა წერეთელმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას