ლაშა ხუციშვილი - საქართველო აგრძელებს ADB-სთან წარმატებულ თანამშრომლობას - გვჯერა, პრიორიტეტულ სფეროებში მომავალი თანამშრომლობის

ჩვენ გვჯერა, პრიორიტეტულ სფეროებში საქართველოსა და ADB-ის მომავალი თანამშრომლობის, - ამის შესახებ ფინანსთა მინისტრმა ლაშა ხუციშვილმა „აზიის განვითარების ბანკის“ ბიზნეს სესიაზე სიტყვით გამოსვლისას განაცხადა.

მისი თქმით, საქართველოსა და ADB-სთან თანამშრომლობის პორტფელი დაახლოებით 5.1 მილიარდ დოლარს მოიცავს, რაც მიმართულია როგორც საჯარო, ისე კერძო სექტორში.

„საქართველო აგრძელებს ბანკთან წარმატებულ თანამშრომლობას დივერსიფიცირებული პორტფელის მეშვეობით (დაახლოებით 5.1 მილიარდი დოლარის) საჯარო და კერძო სექტორებისთვის. ჩვენ გვჯერა, პრიორიტეტულ სფეროებში საქართველოსა და ADB-ის მომავალი თანამშრომლობის. ენერგეტიკული უსაფრთხოება და დამოუკიდებლობა; განახლებადი ენერგიის გაზრდილი გამომუშავებით; ენერგეტიკული უსაფრთხოების უზრუნველყოფა შემნახველი ბატარეებით; შავი ზღვის წყალქვეშა კაბელების პროექტი; საგზაო და ციფრული კავშირების ინფრასტრუქტურა; წყლის, ასევე მუნიციპალური მომსახურების ინფრასტრუქტურა; კორპორაციული მმართველობის რეფორმა; ადამიანურ კაპიტალში ინვესტირება და ისეთი ინოვაციების დანერგვა, როგორიცაა ხელოვნური ინტელექტი - არის ჩვენი დღის წესრიგის პრიორიტეტული მიმართულებები“, - განაცხადა ლაშა ხუციშვილმა.

შეგახსენებთ, რომ 58-ე ყოველწლიური შეხვედრები მილანში 4-7 მაისის პერიოდში მიმდინარეობს. წლევანდელი შეხვედრის მთავარი თემაა - „გამოცდილების გაზიარება, ხვალინდელი დღის შენება”.

როგორც „ინტერპრესნიუსის“ კორესპონდენტი მილანიდან იუწყება, დღეს მმართველთა საბჭოს გახსნითი ღონისძიება გაიმართა, რითაც სამუშაო შეხვედრები ოფიციალურად გახსნილად გამოცხადდა.

ჩატარდა მმართველთა საბჭოს ბიზნეს სესია, შეხვედრაზე სიტყვით გამოვიდნენ ADB-ის წევრი სახელმწიფოების ფინანსთა და ეკონომიკის მინისტრები.

საქართველოს სახელით განცხადება გააკეთა ფინანსთა მინისტრმა ლაშა ხუციშვილმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას