ირაკლი ქადაგიშვილი - მოუსმინონ ბოკუჩავას, სამადაშვილს - ამ სამწუხარო რეალობამდე რომ დავიდა ევროსაბჭოს საპარლამენტო ასამბლეა, ეს არის ყველაზე ცუდი

მოუსმინონ ბოკუჩავას, სამადაშვილს - მათი მეშვეობით ჰგონიათ, რომ საქართველოს და ქართველი ხალხის ინტერესს ითვალისწინებენ? ამ სამწუხარო რეალობამდე რომ დავიდა ევროსაბჭოს საპარლამენტო ასამბლეა, ეს არის ყველაზე ცუდი, - ამის შესახებ პარლამენტის რეგიონული პოლიტიკისა და თვითმმართველობის კომიტეტის თავმჯდომარე ირაკლი ქადაგიშვილმა ჟურნალისტებთან ევროპის საბჭოს საპარლამენტო ასამბლეის სხდომაზე საუბრისას განაცხადა.

მისი თქმით, ევროპის საბჭოსგან ახლა საქართველოზე პოლიტიკური თავდასხმაა მოსალოდნელი.

„აქ სურათი ნათელია მას შემდეგ, რაც საქართველოს დელეგაციამ ევროსაბჭოს საპარლამენტო ასამბლეა დატოვა. ეს განპირობებული იყო ძალიან კონკრეტული მიზეზით - როდესაც ევროსაბჭოს საპარლამენტო ასამბლეამ დათქმით აღიარა საქართველოს პარლამენტის დელეგაციის უფლებამოსილება...

რა იქნება ახლა? დაახლოებით იგივე - საქართველოზე პოლიტიკური თავდასხმა. ამის უკან არანაირ ობიექტურობასთან, სამართალთან და მაღალ ღირებულებასთან ჩვენ კავშირი არ გვაქვს. წინასაარჩევნო კამპანია ეს იყო უპრეცედენტო ჩარევა, ასეთი რამ მსოფლიოს არცერთ დემოკრატიულ სახელმწიფოებში არ ახსოვთ, რაც საქართველოში გააკეთეს. დამარცხდნენ და ახლა ბუნებრივია, იმ ძალებს, ვინც ეს თავის დროზე გააკეთა, განგრძობითი შურისძიების პოლიტიკა გააჩნიათ. ასე რომ, მოუსმინონ ბოკუჩავას, სამადაშვილს და ამათი მეშვეობით ჰგონიათ, რომ საქართველოს და ქართველი ხალხის ინტერესს ითვალისწინებენ? ამ სამწუხარო რეალობამდე რომ დავიდა ევროსაბჭოს საპარლამენტო ასამბლეა, ეს არის ყველაზე ცუდი“, - განაცხადა ქადაგიშვილმა.

ცნობისთვის, ევროპის საბჭოს საპარლამენტო ასამბლეა (PACE) საგაზაფხულო სესიის ფარგლებში საქართველოში არსებულ სიტუაციასთან დაკავშირებით გადაუდებელ დებატებს გამართავს.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას