„ნაციონალური მოძრაობის“ საქმიანობის შემსწავლელი დროებითი საგამოძიებო კომისია ემზარ კვიციანს უსმენს

პარლამენტში „ნაციონალური მოძრაობის” საქმიანობის შემსწავლელი დროებითი საგამოძიებო კომისიის მერვე სხდომა მიმდინარეობს. საგამოძიებო კომისია ამ დროისთვის ემზარ კვიციანს უსმენს.

დღევანდელ სხდომაზე ასევე დაბარებულები არიან: გიორგი კაპანაძე, მარიამ რატიანი, გიორგი თარგამაძე და გიორგი კანდელაკი.

როგორც სხდომის დაწყებამდე კომისიის წევრმა, გურამ მაჭარაშვილმა აღნიშნა, „კომისიის ფარგლებში უკვე იმდენი მტკიცებულებებია დაგროვებული", რომ „ნაცმოძრაობა”, აუცილებლად უნდა ჩამოსცილდეს ქართულ პოლიტიკას.

„საგამოძიებო კომისია განაგრძობს მუშაობას. ჩვენ დღეს გვეყოლებიან ადამიანები, რომლებიც გამოიძახა საგამოძიებო კომისიამ. ამ შემთხვევაში რეზოლუციასთან დაკავშირებით, ასევე იქნება სასჯელაღსრულების დაწესებულებიდან ჩართვა. იცით, რომ კომისიას განსაზღვრული საკითხები გვაქვს წამებასთან, მკვლელობებთან და მათ შორის ომის თემასთან დაკავშირებით. უკვე ცხადია, რომ იმდენი მტკიცებულებებია დაგროვებული, მათ შორის მათი მხრიდან აღიარებული, რომ ეს პოლიტიკური ძალა, რომელსაც „ნაცმოძრაობა” ჰქვია, აუცილებლად უნდა ჩამოსცილდეს ქართულ პოლიტიკას. ამავდროულად, საზოგადოებამ ისიც იხილა, რომ არათუ რაიმე ტიპის სინანული აქვს პოლიტიკურ ხელმძღვანელობას მაშინდელ პროცესებზე, რამაც ასეთ შედეგამდე მიიყვანა ქვეყანა, არამედ მეტიც, უფრო მეტად რადიკალები ხდებიან იმასთან დაკავშირებით, რომ მათ შორის, ის ეროვნული ხელისუფლება, რომელიც საზოგადოებამ აირჩია, როგორმე უკანონოდ, მათი პატრონების დახმარებით ჩამოაგდონ. არ გამოუვათ, მაგრამ ამ კომისიის მიზანი შესრულდება და დასკვნა იქნება ისეთი, სადაც ეჭვის ნატამალი არ იარსებებს, რომ “ნაცმოძრაობა” როგორც პოლიტიკური ძალა, თავისი ანასხლეტებით, არ უნდა არსებობდეს”, - განაცხადა მაჭარაშვილმა.

დღის წესრიგის თანახმად, სხდომის ბოლოს ასევე დაგეგმილია პენიტენციური დაწესებულებიდან მსჯავრდებულის ჩართვა.

„სხდომაზე განსახილველი საკითხია 2004-2008 წლებში საქართველოს ოკუპირებულ ტერიტორიებზე შექმნილი ვითარება, 2008 წლის აგვისტოს ომი და ევროპის საბჭოს საპარლამენტო ასამბლეის N1633 რეზოლუცია. ასევე, საკუთრების უფლების დარღვევის ფაქტებთან დაკავშირებული საკითხები და სასჯელაღსრულების დაწესებულებებში 2003-2012 წლებში არსებული საპატიმრო პირობები”, - აღნიშნულია დღის წესრიგში.

როგორც ცნობილია, „ფორმულას“ გენერალური დირექტორის მოადგილე, ტელეწამყვანი გიორგი თარგამაძე პარლამენტის დროებითი საგამოძიებო კომისიის სხდომაზე მისვლას არ აპირებს.

მისი თქმით, სხდომაზე დაბარების შესახებ საინფორმაციო სააგენტოების საშუალებით შეიტყო და არ სურს ქართული სახელმწიფოებრიობისა და მისი ტერიტორიული მთლიანობისთვის „ძირგამომთხრელ სპექტაკლში“ აღმოჩნდეს ჩართული.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას