დავით ონოფრიშვილი დელეგაციასთან ერთად ავსტრიაში სამუშაო ვიზიტით იმყოფება

საქართველოს დაზღვევის სახელმწიფო ზედამხედველობის სამსახურის (ISSSG) უფროსი, დავით ონოფრიშვილი დელეგაციასთან ერთად, ავსტრიის საფინანსო ბაზრის საზედამხედველო უწყების (FMA) მიწვევით, ვენაში სამუშაო ვიზიტით იმყოფება.

24-27 მარტს, ავსტრიის დედაქალაქ ვენაში, გაფართოებული სამუშაო შეხვედრის ფორმატში, გაიმართა შეხვედრები სხვადასხვა საკითხებზე . მონაწილეები გაეცნენ საზედამხედველო ორგანოს მიდგომებს და საუკეთესო საერთაშორისო პრაქტიკას. სადაზღვევო სექტორში განხორციელებულ რეფორმებს, შედეგებს და არსებულ გამოწვევებს. მათ შორის, ადგილზე შემოწმების ასპექტებს, საზედამხედველო ანგარიშების წარდგენისა და დამუშავების მეთოდებს, ბაზრის ზედამხედველობის და განცხადებების განხილვის მიმართულებით დადგენილ სტანდარტებს, საკანონმდებლო რეგულირების ტენდენციებს.

27 მარტს, გაიმართა შემაჯამებელი შეხვედრა დელეგაციის ხელმძღვანელ დავით ონოფრიშვილსა და და ავსტრიის საფინანსო ბაზრის საზედამხედველო უწყების სადაზღვევო და საპენსიო ზედამხედველობის დეპარტამენტის ხელმძღვანელთან პიტერ ბრაუმულერთან. შეხვედრაზე მიმოიხილეს ორ უწყებას შორის მიმდინარე თანამშრომლობის პროცესი და შეჯერდნენ სამომავლო გეგმებზე.

პრესრელიზს დაზღვევის სახელმწიფო ზედამხედველობის სამსახური ავრცელებს.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას