ანა ნაცვლიშვილი საგამოძიებო კომისიის მიერ ხაზარაძე-ჯაფარიძის დაბარებაზე - არალეგიტიმური „ქართული ოცნების“ მხრიდან ეს მორიგი პოლიტიკური დევნაა

არალეგიტიმური „ქართული ოცნების“ მხრიდან ეს არის მორიგი პოლიტიკური დევნა, - ასე შეაფასა „ლელო - ძლიერი საქართველოს“ ერთ-ერთმა ლიდერმა, ანა ნაცვლიშვილმა პარლამენტის დროებითმა საგამოძიებო კომისიაში „ძლიერი საქართველოს“ ლიდერების - მამუკა ხაზარაძისა და ბადრი ჯაფარიძის დაბარება.

როგორც მან აღნიშნა, ხელისუფლება იმ ადამიანების დევნას ცდილობს, რომლებსაც „შეუძლიათ ქვეყანა გადააქციონ თანამედროვე, ევროპულ, წარმატებულ სახელმწიფოდ“.

„არალეგიტიმური “ქართული ოცნების“ მხრიდან ეს არის მორიგი პოლიტიკური დევნა იმ ადამიანების, რომლებსაც „ქართული ოცნებისგან“ განსხვავებით, ამ ქვეყანაში შეუძლია და გაკეთებული აქვს უამრავი საქმე, იქნება ეს საერთაშორისო ინვესტიციების შემოტანა, ათასობით სამუშაო ადგილის შექმნა თუ საქართველოს ევროკავშირში გაწევრიანებისთვის საჭირო რეფორმების განხორციელების უნარი. „ქართულმა ოცნებამ“ არ და ვერ შეასრულა ვერცერთი დაკვეთა, რომელიც ქართველ ხალხს ჰქონდა- ვერც ანაკლიის აშენება, ვერც საქართველოს ევროკავშირში გაწევრიანება, ვერც სამუშაო ადგილების შექმნა, ვერც სამართლიანი სასამართლოს შექმნა, რაც მათი დაპირება იყო. ახლა ის აწარმოებს ერთადერთ რამეს, რაც დარჩენია- ეს არის პოლიტიკური ოპონენტების, იმ ადამიანების დევნა, რომლებსაც შეუძლიათ ეს ქვეყანა გადააქციონ თანამედროვე, ევროპულ, წარმატებულ სახელმწიფოდ“,-განაცხადა ნაცვლიშვილმა.

ცნობისთვის, „ნაციონალური მოძრაობის“ ხელისუფლების საქმიანობის შემსწავლელმა პარლამენტის დროებითმა საგამოძიებო კომისიამ „ძლიერი საქართველოს“ ლიდერები - მამუკა ხაზარაძე და ბადრი ჯაფარიძე დაიბარა. აღნიშნულთან დაკავშირებით განცხადება მამუკა ხაზარაძემ „ფეისბუქზე“ გამოაქვეყნა. როგორც ხაზარაძე აცხადებს, პარლამენტის საგამოძიებო კომისიაში მისვლას და „ამ ცირკში მონაწილეობას“ არ აპირებს. ის „ფეისბუქის“ პირად გვერდზე წერს, რომ არასდროს გაქცევია მართლმსაჯულებას. ხაზარაძე ხელისუფლებას ურჩევს, თუ რამე აქვთ გასარჩევი, სასამართლოს მიმართონ.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას