„ლელო - ძლიერი საქართველოს“ ინფორმაციით, გურიაში შექმნილი საგანგებო შტაბი კვლავ 24-საათიან რეჟიმში მუშაობს

„ლელო - ძლიერი საქართველოს“ გურიაში შექმნილი საგანგებო შტაბი 24-საათიან რეჟიმში მუშაობს, რომელსაც კოალიციის ლიდერები, ვახტანგ სურგულაძე და გიორგი სიორიძე ხელმძღვანელობენ. ინფორმაციას კოალიციის პრესსამსახური ავრცელებს.

მათივე ცნობით, აქტიურია „ცხელი ხაზი“, სადაც ადგილობრივი მოსახლეობიდან შემოდის ზარები, სხვადასხვა სახის დახმარების თხოვნით.

„შემოსული ინფორმაცია მოხალისეთა ჯგუფებში ნაწილდება და მყისიერი რეაგირება ხდება. სტიქიის სალიკვიდაციო სამუშაოებში მძიმე ტექნიკა, სტიქიის მეორე დღესვე ჩაერთო. სოფლებში - მერია, ციხისფერდი, ლიხაური, ბაღდადი, დვაბზუ, ბუკნარი, ნასაკირალი, ქვენობანი, ბასილეთი, ჯუმათი,სილაური, ურეკი, მელექედური და შემოქმედი, ასევე, ქალაქ ოზურგეთისა და დაბა ჩოხატაურის ქუჩები თოვლისგან გაიწმინდა. სამივე მუნიციპალიტეტში 70-ზე მეტი ოჯახი საკვებითა და პირველადი მოხმარების პროდუქტებით მომარაგდა. თოვლში ჩარჩენილ მოსახლეობას დაურიგდა ფქვილი, ზეთი, ბრინჯი, წიწიბურა, მაკარონი, თევზის კონსერვი, ხორცის კონსერვი, ძეხვი, ტკბილეული, სანთელი, ასანთი და ბავშვებისთვის საჭირო ჰიგიენური საშუალებები. მოთხოვნის და დანიშნულების შესაბამისად, მედიკამენტებით 30-ზე მეტი ოჯახი მომარაგდა. ვახტანგ სურგულაძე პირადად ჩაატარა არაერთი პირდაპირი და სატელეფონო სამედიცინო კონსულტაცია. ალეკო ელისაშვილის ჯგუფმა ლანჩხუთსა და ოზურგეთში რამდენიმე სახლის სახურავი თოვლისგან გაწმინდა. კოალიცია „ლელო-ძლიერი საქართველო” რჩება სტიქიის ზონაში და მოხალისეებთან ერთად მაღალმთიან სოფლებში გზების გაწმენდას და ჰუმანიტარული პროდუქტების განაწილებას განაგრძობს“,-აღნიშნულია ინფორმაციაში.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას