ნინო ლაცაბიძე - პრემიერ-მინისტრის და სამთავრობო გუნდის მხარდაჭერით, რუსთაველის ქუჩის რეაბილიტაციის დაწყების შესაძლებლობა გვაქვს

რუსთავში, ქალაქის ისტორიული ნაწილის რესტავრაციის ფარგლებში, 2025 წელს, რუსთაველის ქუჩის რეაბილიტაცია გაგრძელდება.

ამის შესახებ ინფორმაციას რუსთავის მერია ავრცელებს.

მათივე ცნობით, რუსთავის მერი ნინო ლაცაბიძე რუსთაველის ქუჩის მაცხოვრებლებს შეხვდა და პროექტის მესამე ეტაპის დაწყების შესახებ ინფორმაცია მიაწოდა.

შეხვედრაზე ქალაქის მერმა საცხოვრებელ კორპუსებში არსებული პრობლემები, მათთან ერთად განიხილა.

„პრემიერ მინისტრის და სამთავრობო გუნდის მხარდაჭერით, ჩვენ რუსთაველის ქუჩის რეაბილიტაციის დაწყების შესაძლებლობა გვაქვს. განსაკუთრებული მადლობა იმისთვის, რომ ასეთი მასშტაბური პროექტის განხორციელების საშუალება მოგვეცა. დღეს მოსახლეობას შევხვდით, რადგან მათთან ერთად დაგეგმილი პროექტი ბევრად უფრო ეფექტური და შედეგიანი იქნება. ჩვენ ყველა მოთხოვნის და შენიშვნის გათვალისწინებას შევეცდებით, რომელიც მათი მხრიდან იქნა გაჟღერებული“, - განაცხადა რუსთავის მერმა ნინო ლაცაბიძემ.

რუსთავის მერიის მიერ გავრცელებული ინფორმაციის თანახმად, გამაგრებითი სამუშაოები და ფასადების რეაბილიტაცია რუსთაველის N 25, 27, 32, 34 და 36 საცხოვრებელ კორპუსებს ჩაუტარდება. N32 საცხოვრებელი შენობის რეაბილიტაციისთვის, 656 745 ლარის ღირებულების სამუშაოების შემსრულებელი კომპანიის გამოსავლენად, უახლოეს პერიოდში ელექტრონული ტენდერი გამოცხადდება. N 25, 27, 34 და 36 კორპუსების რეაბილიტაციისთვის, კი ამ ეტაპზე საპროექტო სამუშაოები მიმდინარეობს. ინფრასტრუქტურული სამუშაოები.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას