ადვოკატთა ასოციაციის თავმჯდომარის განცხადებით, ადმინისტრაციულ სამართალდარღვევათა არაერთ საქმეზე, მაშინ როცა მხარე არ იმყოფება დარბაზში, სასამართლო მაინც აგრძელებს საქმეთა განხილვას ისე, რომ ადვოკატს არ ეძლევა საშუალება გაესაუბროს თავის კლიენტს

საქართველოს ადვოკატთა ასოციაციის თავმჯდომარის დავით ასათიანის განცხადებით, ადმინისტრაციული სამართალდარღვევათა არაერთ საქმეზე, მაშინ როცა მხარე არ იმყოფება დარბაზში სასამართლო მაინც აგრძელებს საქმეთა განხილვას, ისე რომ ადვოკატს არ ეძლევა საშუალება გაესაუბროს თავის კლიენტს.

დავით ასათიანი საპროტესტო აქციებზე დაკავებულების საქმეებს ეხმაურება და განმარტავს, დაკავებულს უფლება აქვს მისი საქმის წარმართვისას სრულყოფილად ისარგებლოს ადვოკატის დახმარებით, რაც პირველ რიგში გულისხმობს ადვოკატთან შეუფერხებელ კომუნიკაციასა და სანდო იურიდიული რჩევის მიღებას.

„ახლახან ადვოკატებმა გვაცნობეს, რომ ადმინისტრაციული სამართალდარღვევათა არაერთ საქმეზე, მაშინ როცა მხარე არ იმყოფება დარბაზში (ამის ძირითადი მიზეზი სამედიცინო დაწესებულებებში მათი მკურნალობაა), სასამართლო მაინც აგრძელებს საქმეთა განხილვას, ისე რომ ადვოკატს არ ეძლევა საშუალება გაესაუბროს თავის კლიენტს და მიიღოს ინფორმაცია და მითითებები საქმის ფაქტობრივ გარემოებებზე.

დაცვის უფლება გარანტირებულია კონსტიტუციით! დაკავებულს უფლება აქვს მისი საქმის წარმართვისას სრულყოფილად ისარგებლოს ადვოკატის დახმარებით, რაც პირველ რიგში გულისხმობს ადვოკატთან შეუფერხებელ კომუნიკაციასა და სანდო იურიდიული რჩევის მიღებას.

დავიცვათ სამართალწარმოების ფუნდამენტური პრინციპები“,- აღნიშნა დავით ასათიანმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას