დიმიტრი ხუნდაძე - საზოგადოების ნაწილი, რომელიც რუსთაველზეა, მიეჩვია წაუკითხავად გაპროტესტებას - მათ სურთ სისხლი, რათა უფრო დაიძაბოს ვითარება

ამ პროტესტს არავითარი საფუძველი არ აქვს. თუ ჩვენ დავაკვირდებით ბოლო პროცესებს, ვნახავთ, რომ საზოგადოების ის ნაწილი, რომელიც რუსთაველზეა, მიეჩვია წაუკითხავად გაპროტესტებას , - განაცხადა ჟურნალისტებთან საუბრისას საპარლამენტო უმრავლესობის წევრმა დიმიტრი ხუნდაძემ, რითაც რუსთაველზე მიმდინარე საპროტესტო აქცია შეაფასა.

დიმიტრი ხუნდაძე აცხადებს, რომ აქციამ „ვერ ჩაიარა ისე, რომ ზიანი არ დამდგარიყო“.

„მინდა ჩემი გულწრფელი წუხილი გამოვხატო იმასთან დაკავშირებით, რომ აქციამ, სამწუხაროდ, ვერ ჩაიარა ისე, რომ ზიანი არ დამდგარიყო. დაზიანებულები არიან პოლიციელები, ჟურნალისტები, მოქალაქეები - ისინი ყველანი ჩვენი ქვეყნის მოქალაქეები არიან. რა თქმა უნდა, ეს სამწუხარო ფაქტია და ჩვენ უნდა ვეცადოთ, რომ მსგავსი შემთხვევები არ მოხდეს.

მაგრამ, ჩვენ ვხედავთ განსაკუთრებული სისასტიკით როგორ ხდება პოლიციელების გამოწვევა და გამოყვანა წონასწორობიდან, რათა მოხდეს შეჯახება. სოციალურ ქსელებში გამოჩნდა კიდეც აქციის მონაწილეთა სურვილი - მათ სურთ სისხლი, რათა უფრო დაიძაბოს ვითარება," - განაცხადა დეპუტატმა.

ხუნდაძის თქმით, პროტესტი უსაფუძვლოა.

„ამ პროტესტს არავითარი საფუძველი არ აქვს. თუ ჩვენ დავაკვირდებით ბოლო პროცესებს, ვნახავთ, რომ საზოგადოების ის ნაწილი, რომელიც რუსთაველზეა, მიეჩვია წაუკითხავად გაპროტესტებას. პირველი ასეთი წაუკითხავი გაპროტესტება (დაკვეთაც აშშ-ს სახელმწიფო დეპარტამენტიდან ასეთი იყო - არ წაიკითხო და გააპროტესტე) წამოვიდა გამჭვირვალობის კანონთან დაკავშირებით, რომ ის იყო რუსული. სამწუხაროდ, მოქალაქეების ნაწილმა მართლაც არ წაიკითხა კანონი, დაარქვეს რუსული, გააპროტესტეს, მაგრამ მალე აღმოჩნდა, რომ საერთაშორისო საზოგადოებაშიც კი ვერ მოიძებნა პასუხის გამცემი შეკითხვაზე, რატომ იყო ის რუსული. ბოლოს დამკვიდრდა პასუხად სიტყვა „იმიტომ", რაც სასაცილოდაც კი იქცა.

ასეთი „წაუკითხავი" პროტესტია დღესაც, როცა პრემიერმა სრულიად ნათელი განცხადება გააკეთა და რუსთაველზე მდგომებმა არათუ წაიკითხეს, პაველ ჰერჩინსკის ათარგმნინეს მისი ნათქვამი. მან კი თარგმნა ისე, როგორც აწყობდა", - განაცხადა დიმიტრი ხუნდაძემ, რომლის კომენტარსაც პრესსამსახური ავრცელებს.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას