თეა ახვლედიანი - უმთავრეს მიმართულებად - აფხაზეთისა და ცხინვალის რეგიონებში ოკუპაციის წნეხის ქვეშ მცხოვრებ მოსახლეობაზე ზრუნვა და მათი სოციალურ-ეკონომიკური მდგომარეობის გაუმჯობესება დარჩება

შერიგებისა და სამოქალაქო თანასწორობის საკითხებში სახელმწიფო მინისტრობის კანდიდატ თეა ახვლედიანს იურიდიულ საკითხთა, ადამიანის უფლებათა დაცვისა და სამოქალაქო ინტეგრაციის, თავდაცვისა და უშიშროების და საპროცედურო საკითხთა და წესების კომიტეტების ერთობლივ სხდომაზე მოუსმინეს.

როგორც თეა ახვლედიანმა პარლამენტში სიტყვით მოხსენებისას განაცხადა, უმთავრეს მიმართულებად - აფხაზეთისა და ცხინვალის რეგიონებში ოკუპაციის წნეხის ქვეშ მცხოვრებ მოსახლეობაზე ზრუნვა და მათი სოციალურ-ეკონომიკური მდგომარეობის გაუმჯობესება დარჩება.

„ამავდროულად, სამშვიდობო ინიციატივით გახსნილი შესაძლებლობების გაფართოებითა და შესაბამისი მექანიზმების განვითარებით ჩვენი საქმიანობის უმთავრეს მიმართულებად დარჩება აფხაზეთისა და ცხინვალის რეგიონებში ოკუპაციის წნეხის ქვეშ მცხოვრებ მოსახლეობაზე ზრუნვა და მათი სოციალურ-ეკონომიკური მდგომარეობის გაუმჯობესება, რაც ადამიანზე და ფუნდამენტურ უფლებებზე ორიენტირებული მნიშვნელოვანი სამშვიდობო გზავნილია.

ამ თვალსაზრისით, ერთ-ერთ პრიორიტეტს წარმოადგენს ოკუპირებულ რეგიონებში მცხოვრები მოსახლეობის ჯანმრთელობის დაცვის უზრუნველყოფა, მათ შორის გამარტივებული წვდომა ყველა სახის სამედიცინო მომსახურებაზე, რაც კიდევ უფრო მეტი ინტენსივობით გაგრძელდება და გაფართოვდება.

ასევე, გაძლიერდება ჩვენი ძალისხმევა ოკუპირებულ რეგიონებში მცხოვრები ახალგაზრდების ხარისხიანი განათლების შესაძლებლობების განვითარებისთვის, მათ ინტერესებსა და საჭიროებებზე მორგებული მიდგომებით.

ამავდროულად, მნიშვნელოვნად მივიჩნევთ გამყოფი ხაზების ორივე მხარეს სავაჭრო ურთიერთობების განვითარებასა და შემდგომ გაღრმავებას სამშვიდობო ინიციატივის ფარგლებში მოქმედი უნიკალური ფინანსური მექანიზმის - “მშვიდობის ფონდის“ მეშვეობით,“- განაცხადა სახელმწიფო მინისტრობის კანდიდატმა, თეა ახვლედიანმა.

ამის შესახებ ინფორმაციას შერიგებისა და სამოქალაქო თანასწორობის საკითხებში სახელმწიფო მინისტრის აპარატი ავრცელებს.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას