სალომე სამადაშვილი - დასავლეთთან ურთიერთობების გასაფუჭებლად უკეთესს პერსონას, უკეთესს მონას, რომელიც ამ დავალებას ზედმიწევნით შეასრულებს, ვერ იპოვიდნენ და დაასახელეს მაკა ბოჭორიშვილი

იმისათვის, რომ დასავლეთთან ურთიერთობები კიდევ უფრო დიდ ჩიხში შევიდეს და კიდევ უფრო გაფუჭდეს, უკეთესს პერსონას, უკეთესს მონას, რომელიც ამ დავალებას ზედმიწევნით შეასრულებს, ალბათ, ვერ იპოვიდნენ და დაასახელეს მაკა ბოჭორიშვილი, - ამის შესახებ კოალიცია „ძლიერი საქართველოს“ წევრმა, სალომე სამადაშვილმა განაცხადა, რითაც პრემიერ-მინისტრ ირაკლი კობახიძის მიერ, საგარეო საქმეთა მინისტრის თანამდებობაზე, მაკა ბოჭორიშვილის წარდგენას გამოეხმაურა.

მისივე თქმით, „რეჟიმს სჭირდება, რომ რასაც კობახიძე საგარეო საქმეთა მინისტრს დაავალებს, თუთიყუშივით გაიმეოროს“.

ილია დარჩიაშვილის საუკეთესო ინტერესებში იყო, რომ თვითონვე გადამდგარიყო და ამაზე მას არაერთხელ მოვუწოდე. რაც შეეხება ქალბატონ ბოჭორიშვილს, „ნაციონალური მოძრაობის“ მმართველობის დროს ის იყო ყურმოჭრილი, აბსოლუტური მონა, შემდეგ გადაბარდა ასევე, ყურმოჭრილ მსახურად ბიძინა ივანიშვილის რეჟიმს. იმ რეჟიმს, რომელსაც ერთადერთი, რაც სჭირდება, ისაა, რომ რასაც კობახიძე საგარეო საქმეთა მინისტრს დაავალებს, თუთიყუშივით გაიმეოროს. იმისათვის, რომ დასავლეთთან ურთიერთობები კიდევ უფრო დიდ ჩიხში შევიდეს და კიდევ უფრო გაფუჭდეს, უკეთესს პერსონას, უკეთესს მონას, რომელიც ამ დავალებას ზედმიწევნით შეასრულებს, ალბათ ვერ იპოვიდნენ და დაასახელეს მაკა ბოჭორიშვილი“, - განაცხადა სალომე სამადაშვილმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას