ქართული ადვოკატურის წინსვლა ევროპულ გზაზე გრძელდება

ბრიუსელში “ევროპის ადვოკატთა ასოციაციებისა და სამართლის საზოგადოების საბჭომ“ საქართველოში ერთიანი, ძლიერი და დამოუკიდებელი იურიდიული პროფესიის განვითარებას მხარდაჭერა გამოუცხადა. ამის შესახებ ინფორმაციას საქართველოს ადვოკატთა ასოციაცია ავრცელებს.

როგორც გავრცელებულ ინფორმაციაშია ნათქვამი, საბჭომ ერთხმად მიიღო გადაწყვეტილება საქართველოს ადვოკატთა ასოციაციისათვის CCBE-ის ასოცირებული წევრის სტატუსის მინიჭებაზე.

“2024 წლის 21 ნოემბრის პლენარულ სესიაზე “ევროპის ადვოკატთა ასოციაციებისა და სამართლის საზოგადოების საბჭომ“ (CCBE), რომელიც 45 ქვეყნის ადვოკატთა ასოციაციებსა და მილიონზე მეტ ევროპელ ადვოკატს აერთიანებს, კიდევ ერთხელ გამოხატა თავისი მტკიცე მხარდაჭერა საქართველოს ადვოკატთა ასოციაციის მიმართ და ერთხმად მიიღო გადაწყვეტილება საქართველოს ადვოკატთა ასოციაციისათვის CCBE-ის ასოცირებული წევრის სტატუსის მინიჭებაზე.

ბრიუსელში გამართულ შეხვედრაზე აღინიშნა, რომ CCBE მხარს უჭერს საქართველოში ერთიანი, ძლიერი და დამოუკიდებელი იურიდიული პროფესიის განვითარებას, რაც საქართველოს ადვოკატთა ასოციაციის მიერ ნაჩვენები პროგრესით გარანტირებულია.

ადვოკატთა ასოციაციის თავმჯდომარე, დავით ასათიანი მოხსენებით წარსდგა და მადლობა გადაუხადა ევროპელ კოლეგებს ქართული ადვოკატურის თანმიმდევრული და სისტემური მხარდაჭერისათვის.

საქართველოს ადვოკატთა ასოციაცია 2008 წლიდან დღემდე CCBE-ს დამკვირვებელი წევრის სტატუსით სარგებლობდა”, - ნათქვამია ინფორმაციაში.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას