ნინო ლაცაბიძე - რუსთავის მერიის გუნდი აქტიურად აგრძელებს იმ ინფრასტრუქტურულ პროექტებს, რომელიც ჩვენს ქალაქს კიდევ უფრო თანამედროვეს, კომფორტულსა და უსაფრთხოს გახდის თითოეული რუსთაველისთვის

რუსთავში, თოდრიას ქუჩაზე საგზაო ინფრასტრუქტურის რეაბილიტაცია აქტიურად მიმდინარეობს. აღნიშნულ ინფორმაციას რუსთავის მერია ავრცელებს. მათივე ცნობით, თოდრიას ქუჩის მოედნიდან, კაპანაძის ქუჩამდე 13 000 მ2. ფართობზე, ასფალტ-ბეტონის საფარი ეწყობა.

ქალაქის მერი ნინო ლაცაბიძე, ინფრასტრუქტურის სამსახურის ხელმძღვანელ ზურა ტაბაღუასთან ერთად, პროექტის მიმდინარეობას, ადგილზე გაეცნო.

“რუსთავის მერიის გუნდი აქტიურად აგრძელებს იმ ინფრასტრუქტურულ პროექტებს, რომელიც ჩვენს ქალაქს კიდევ უფრო თანამედროვეს, კომფორტულსა და უსაფრთხოს გახდის თითოეული რუსთაველისთვის. სწორედ ამ მიზნებიდან გამომდინარე დაიგეგმა თორიას ქუჩის მიმდებარედ საგზაო სამუშაოები, რომელიც უკვე აქტიურ ფაზაშია. უახლოეს პერიოდში, ჩვენს ქალაქს კიდევ ერთი თანამედროვე, კომფორტული და უსაფრთხო ქუჩა შეემატება”, - განაცხადა რუსთავის მერმა ნინო ლაცაბიძემ.

„პროექტის მიხედვით, 13 000 მ2 ტერიტორიაზე ახალი ასფალტ-ბეტონის საფარი ეწყობა, განხორციელდა სანიაღვრე ქსელის სრული რეაბილიტაცია და დამატებით 2 სანიაღვრე ჭა მოეწყო, რაც უხვი ნალექის შემთხვევაში, დატბორვის საფრთხეს საგრძნობლად შეამცირებს. მოეწყობა ახალი გაჩერებები და გარე განათების სისტემა, ხორციელდება თოდრიასა და მესხიშვილის ქუჩების გადაკვეთაზე არსებული წრის რეაბილიტაცია, ეწყობა უსაფრთხოების კუნძულები. რეაბილიტაცია უტარდება მესხიშვილისა და ლეონიძის ქუჩების გადაკვეთაზე არსებული მოედანსაც, სადაც ასევე უსაფრთხოების კუნძული მოეწყობა. ინფრასტრუქტურული პროექტი სახელმწიფო და ადგილობრივი ბიუჯეტის დაფინანსებით ხორციელდება.

2024 წელს, საგზაო ინფრასტრუქტურის მოწესრიგების მიზნით, სხვადასხვა სახის სამუშაო, რუსთავში 48 ლოკაციაზე ჩატარდა და ორზე მიმდინარეობს“, - ნათქვამია ინფორმაციაში.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას