სვანეთში იმიტირებული სასამართლო პროცესი და კონფერენცია ჩატარდა

2 აგვისტოს, იურიდიული დახმარების სამსახურის დირექტორი დავით სიმონია და ადვოკატთა ასოციაციის თავმჯდომარე დავით ასათიანი, მათი უწყებების წარმომადგენლებთან ერთად, იმყოფებოდნენ მესტიაში, სადაც ადგილობრივ მოსახლეობას, მათ შორის, უხუცესებს შეხვდნენ. ინფორმაციას იურიდიული დახმარების სამსახური ავრცელებს.

მათივე ცნობით, მესტიის მაგისტრატ სასამართლოში გაიმართა იმიტირებული სასამართლო პროცესი იურიდიული დახმარების სამსახურისა და ადვოკატთა ასოციაციის წარმომადგენელთა მონაწილეობით.

„ნაფიც მსაჯულებად მოწვეულნი იყვნენ ტრადიციულ სვანურ მართლმსაჯულებაში ჩართული უხუცესები, რომლებმაც თავიანთი გამოცდილებიდან გამომდინარე შეაფასეს იმიტირებულ პროცესზე განხილული სისხლის სამართლის საქმე და საბოლოოდ, "ბრალდებული" გაათავისუფლეს.

ამავე დღეს, მესტიის ეთნოგრაფიულ მუზეუმში იურიდიული დახმარების სამსახურისა და ადვოკატთა ასოციაციის ორგანიზებით ჩატარდა კონფერენცია თემაზე „მსაჯულთა ინსტიტუტი და სვანური ტრადიციული სამართალი". კონფერენციაზე იმსჯელეს იმ თავისებურებების შესახებ, რომელიც ტრადიციულ სვანურ მართლმსაჯულებას ახასიათებს და რომლის პრინციპები ნაწილობრივ ასახულია ნაფიც მსაჯულთა დღეს მოქმედ სასამართლო სისტემაში.

ღონისძიების ბოლოს, იურიდიული დახმარების სამსახურის დირექტორმა დავით სიმონიამ და ადვოკატთა ასოციაციის თავმჯდომარემ დავით ასათიანმა კონფერენციის მონაწილეები სპეციალური სიგელებით დააჯილდოვეს“,-აღნიშნულია ინფორმაციაში.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას