ქუთაისის მერი იუნესკოს შემოქმედებითი ქალაქების მე-16 ფორუმში მონაწილეობს

პორტუგალიის ქალაქი ბრაგა იუნესკოს შემოქმედებითი ქალაქების ყოველწლიურ რიგით XVI კონფერენციას მასპინძლობს. ამის შესახებ ინფორმაციას ქუთაისის მერია ავრცელებს.

ქუთაისის მერიის ინფორმაციით, კონფერენციაში მსოფლიოს 100-ზე მეტი ქვეყნის, 350 შემოქმედებითი ქალაქის წარმომადგენელთან ერთად, ქუთაისის მუნიციპალიტეტის მერი იოსებ ხახალეიშვილი მონაწილეობს.

მათივე ცნობით, იოსებ ხახალეიშვილმა ვიზიტის ფარგლებში შეხვედრები გამართა იუნესკოს გენერალური დირექტორის მოადგილესთან კულტურის საკითხებში ერნესტო ოტონესთან, ქალაქ ბრაგის მერთან რიკარდო რიოსთან, ქალაქ ლონდონის მერის მოადგილესთან იუსტინ საიმონსთან და აიოვას მერთან ბრიუს თიგსთან.

გარდა ამისა, ქუთაისის მერმა, კონფერენციის ფარგლებში, მონაწილეობა მიიღო იუნესკოს შემოქმედებითი ქალაქების მერების ფორუმზე, სადაც საუბარი შეეხო ქალაქების მდგრადი განვითარებისთვის კულტურისა და შემოქმედებითი ინდუსტრიების როლის გაძლიერებას. 2024 წლის UCCN ყოველწლიური კონფერენციის მიზანია ყურადღება გამახვილდეს, თუ როგორ აძლიერებს ქალაქების შემოქმედებითობა მდგრად ურბანულ განვითარებას და ხელს უწყობს კულტურული მრავალფეროვნების გამოხატვას. ბრაგის კონფერენცია არის მნიშვნელოვანი პლატფორმა მუნიციპალური მმართველობის, საინვესტიციო ინიციატივებისა და სექტორთაშორისი თანამშრომლობის განვითარებისთვის.

,,პორტუგალიის ქალაქ ბრაგაში იუნესკოს შემოქმედებითი ქალაქების ყოველწლიურ XVI კონფერენციაში ვმონაწილეობ. ბრაგის კონფერენცია არის მნიშვნელოვანი პლატფორმა მუნიციპალური მმართველობის, საინვესტიციო ინიციატივებისა და სექტორთაშორისი თანამშრომლობის განვითარებისთვის. კონფერენციის პარალელურად საქმიანი შეხვედრები გავმართე იუნესკოს გენერალური დირექტორის მოადგილესთან კულტურის საკითხებში ერნესტო ოტონესთან, ქალაქ ბრაგის მერთან რიკარდო რიოსთან, ქალაქ ლონდონის მერის მოადგილესთან იუსტინ საიმონსთან და აიოვას მერთან ბრიუს თიგსთან. ქალაქების მდგრადი განვითარებისთვის კულტურისა და შემოქმედებითი ინდუსტრიების როლის გაძლიერების შესახებ კი, იუნესკოს შემოქმედებითი ქალაქების მერების ფორუმზე ვისაუბრეთ", - განაცხადა ქუთაისის მერმა იოსებ ხახალეიშვილმა.

ქუთაისი, 2023 წელს ოფიციალურად შეუერთდა იუნესკოს შემოქმედებითი ქალაქების ქსელს, როგორც იუნესკოს ლიტერატურის ქალაქი.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას