ირაკლი ნადარეიშვილი გაეროს მეცნიერების, ტექნოლოგიებისა და ინოვაციების მე-9 ფორუმზე მოხსენებით გამოვიდა

ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, აშშ - ში, ქალაქ ნიუ-იორკში, გაეროს მეცნიერების, ტექნოლოგიებისა და ინოვაციების მე-9 ფორუმზე მოხსენებით გამოვიდა.

ეკონომიკისა და მდგრადი განვითარების სამინისტროს ინფორმაციით, ფორუმის ფარგლებში გამართულ სესიაზე, მინისტრის მოადგილემ ხაზი გაუსვა საქართველოს მდგრადი მომავლის უზრუნველსაყოფად, მეცნიერების, ტექნოლოგიებისა და ინოვაციების მნიშვნელოვან როლს.

ირაკლი ნადარეიშვილმა დამსწრე დელეგატებს გააცნო საქართველოს მთავრობის მიერ განსაზღვრული ქვეყნის პრიორიტეტული ტექნოლოგიური სფეროები, რომლებიც მოიცავს ხელოვნურ ინტელექტს, ბაქტერიოფაგებსა და აგრო-ტექნოლოგიებს და გააჟღერა 2030 წლისთვის, ქვეყნის მშპ-ში, კვლევებსა და განვითარებაზე მთლიანი დანახარჯები წილის1,5% სამიზნე მაჩვენებელი.

ასევე, ფორუმის ფარგლებში, მინისტრის მოადგილემ შეხვედრები გამართა გაეროს გენერალური მდივნის თანაშემწესთან ეკონომიკურ განვითარების საკითხებში ნავიდ ჰანიფსა და გაეროს გენერალური მდივნის წარმომადგენელთან ტექნოლოგიების სფეროში ამანდიფ საინ ჯილთან.

შეხვედრებზე აღინიშნა, რომ ფორუმის შედეგები შეუწყობს ხელს რეგიონულ და გლობალურ თანამშრომლობას და მდგრადი განვითარების მიზნების მხარდაჭერას მეცნიერების, ტექნოლოგიებისა და ინოვაციების განვითარების გზით.

შეხვედრებში მონაწილეობდნენ სსიპ საქართველოს ინოვაციებისა და ტექნოლოგიების სააგენტოს თავმჯდომარის მოადგილე ლევან დარსალია და საქართველოს ელჩი გაეროში დავით ბაქრაძე.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას