ნატო ჩხეიძე „ოცნებას“ - საბჭოთა კონსტიტუციაშიც ეწერა, რომ ყველა რესპუბლიკას გასვლის უფლება ჰქონდა, მაგრამ საქართველოს ეს მშვენიერი ჩანაწერი სასაკლაოდ დაუჯდა - ორივე ფეხზე ისე მყარად დგახართ, რომ ევროპისკენ ნაბიჯს აღარ დგამთ

საბჭოთა კონსტიტუციაშიც ეწერა, რომ ყველა რესპუბლიკას საბჭოთა კავშირიდან თავისუფალი გასვლის უფლება ჰქონდა, მაგრამ საქართველოს ეს მშვენიერი ჩანაწერი სასაკლაოდ დაუჯდა - როცა კონსტიტუცია და შენი ქვეყნის მომავალი არაფრად გიღირს, ჩანაწერი არაფერს ნიშნავს! ევროპის ფართოდ გაღებული კარის წინ, ორსავ ფეხზე ისე მყარად დგახართ, რომ ასე დიდხანს იდგებით! - ასე მიმართა პლენარულ სხდომაზე საპარლამენტო უმრავლესობის წევრებს დეპუტატმა ნატო ჩხეიძემ.

ჩხეიძემ “ქართული ოცნების“ დეპუტატებს მოუწოდა, “მყარად მდგარი ფეხები დაძრან“ და ნაბიჯი ევროპის მიმართულებით გადადგან. როგორც მან ამ კონტექსტში განაცხადა, ასე ნანატრ და ახლოს მყოფ ევროპულ მომავალს ქართველი ხალხი არ დათმობს.

ჩხეიძის შეფასებით, გამჭვირვალობის აუცილებლობა მხოლოდ ფართო მასებისთვის გათვლილი პროპაგანდაა, პარლამენტში ინიცირებული კანონის მიღება კი, საქართველოს კონსტიტუციით განსაზღვრულ კურსს შეცვლის.

“საქართველოში ევროკავშირის ელჩი გვეუბნება: - ევროკავშირის კარი ფართოდ არის გაღებული და ნუ ყოყმანობთო. ყოყმანი სწორედ იმას აღნიშნავს, რომ როგორც თქვენ ბრძანებთ, ორივე ფეხზე მყარად დგახართ, ოღონდ ისე მყარად დგახართ, რომ წინ, ევროპისკენ ნაბიჯს აღარ დგამთ. ევროკავშირის სტრუქტურებში გვაფრთხილებენ - მიიღებთ ამ კანონს და ევროკავშირის გაფართოების პოზიცია გადაისინჯებაო... თქვენ ამას აინუნშიც არ აგდებთ: - შარშან სტატუსი ხომ მოგვცეს და წელსაც მოგვცემენო - გვაჯერებთ, თუ არ მოგვცემენ, ეს უსამართლობა იქნებაო.

თქვენ რომ უსამართლობად მიიჩნევთ, ამით კონსტიტუცია შესრულდება?! არ გვექნება ის თავზე გადაფხრეწილი?! თუ სხვა ისეთ კონსტიტუციას მიიღებთ, სადაც 78-ე მუხლი აღარ იქნება? - ამისთვის ემზადებით და ამისთვის ცდილობთ ამ საყოველთაო რეგისტრაციის კანონის დაკანონებას, საზოგადოებისა და სტრატეგიული პარტნიორების მწვავე პროტესტის მიუხედავად“, - განაცხადა ჩხეიძემ პარლამენტის პლენარულ სხდომაზე.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას