ადვოკატი - საბრალდებო სკამზე უნდა დასხდნენ ის  პირები, ვინც ფეხბურთელ ვახტანგ ჩარკვიანს დოზაზე მეტი ნარკოტიკი გაუკეთა - ეს არის მკვლელობა

ადვოკატ ზაზა ხატიაშვილის განცხადებით, საბრალდებო სკამზე უნდა დასხდნენ ის პირები, რომლებმაც 20 წლის ფეხბურთელს, ვახტანგ ჩარკვიანს კლინიკაში დოზაზე მეტი ნარკოტიკული საშუალება გაუკეთა.

აღნიშნულის შესახებ ადვოკატმა ჟურნალისტებს თბილისის საქალაქო სასამართლოში განუცხადა, სადაც ფეხბურთელის გარდაცვალების საქმეზე დაკავებული ექიმის პროცესი უნდა გაიმართოს.

„საბრალდებო სკამზე უნდა დასხდნენ ის პირები, ვინც ადამიანს დოზაზე მეტი ნარკოტიკი გაუკეთა. ექსპერტები გვეუბნებიან, 1000 ამპულა ნარკოტიკი რომ გაუკეთო სპილოს, ის ამხელა დოზას ვერ გაუძლებს. პროკურატურამ მტკიცებულება ამოიღო, რომლის მიხედვით, ადამიანს1000-მდე ამპულა ნარკოტიკი გაუკეთეს, თუმცა არ ადგენენ იმ პირს, ვინ მიიღო ეს გადაწყვეტილება. ამის დადგენას სჭირდება ერთი კვირა, მაგრამ სამი წელია პროცესი იწელება. ჩვენ დაუსჯელს არცერთ ადამიანს არ დავტოვებთ! საქართველოში უნდა შეწყდეს ადამიანების მკვლელობა! ჩემი აზრით, ეს არის მკვლელობა, ვინაიდან 21 დღეში 1000-მდე ამპულა ნარკოტიკს ვერცერთი ორგანიზმი ვერ გაუძლებს. ეს არის დაუშვებელი“, - განაცხადა ზაზა ხატიაშვილმა.

ინფორმაციისთვის, პროკურატურამ 20 წლის ფეხბურთელის, ვახტანგ ჩარკვიანის გარდაცვალების საქმეზე, რესპუბლიკური საავადმყოფოს თერაპიული განყოფილების ხელმძღვანელს ბრალდება სისხლის სამართლის კოდექსის 220 პრიმა მუხლის მეორე ნაწილით (გულგრილობა, ესე იგი საწარმოში ან სხვა ორგანიზაციაში ხელმძღვანელობითი, წარმომადგენლობითი ან სხვა სპეციალური უფლებამოსილების მქონე პირის მიერ თავისი სამსახურებრივი მოვალეობის შეუსრულებლობა ან არაჯეროვნად შესრულება მისდამი დაუდევარი დამოკიდებულების გამო, რამაც მძიმე შედეგი გამოიწვია) წარუდგინა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას