იურიდიული დახმარების სამსახურის დირექტორი და თეთრიწყაროს მერი სოფელ ნაპილნარის სკოლაში იმყოფებოდნენ, სადაც ერთი მასწავლებელი და ერთი მოსწავლეა

11 ოქტომბერს, იურიდიული დახმარების სამსახურის დირექტორი დავით სიმონია და თეთრიწყაროს მუნიციპალიტეტის მერი გიორგი წიკლაური თეთრიწყაროს მუნიციპალიტეტის სოფელ ნაპილნარის სკოლის მასწავლებელს ნურიე ქაზუმოვს და მეოთხე კლასის მოსწავლე იაღმურ ჩოიდაროვას შეხვდნენ. ინფორმაციას ამის შესახებ იურიდიული დახმარების სამსახური ავრცელებს.

მათივე ცნობით, შეხვედრაზე აღინიშნა, რომ ბავშვთა უფლებების დაცვა და უფასო სამართლებრივ დახმარებაზე მოსახლეობის ხელმისაწვდომობის გაზრდა იურიდიული დახმარების სამსახურისათვის პრიორიტეტია. დავით სიმონიამ მასწავლებელსა და მოსწავლეს დეტალურად გამოჰკითხა მათი სამართლებრივი საჭიროებების შესახებ და ასევე მიწოდა ინფორმაცია სამსახურის სერვისებზე.

„აღსანიშნავია, რომ სოფელი ნაპილნარი მაღალმთიან რეგიონში მდებარეობს და სკოლაში მხოლოდ ერთი მასწავლებელი და ერთი მოსწავლეა. რთული რელიეფური და კლიმატური პირობების გამო, სოფლის მოსახლეობა, ძირითადად, ცხენით გადაადგილდება. იურიდიული დახმარების სამსახურის უახლესი სერვისის მიხედვით, საჭიროების შემთხვევაში, შესაძლებელია თავად იურისტებმა ადგილზე მიაკითხონ ბენეფიციარებს. განსაკუთრებული ყურადღება ექცევა ბავშვებსა და შეზღუდული შესაძლებლობის მქონე პირებს“, - ნათქვამია ინფორმაციაში.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას