ნინო ბურჯანაძე - მომავალი თაობები პასუხს მოგვთხოვენ, თუ ჩვენი სამშობლოს გასაერთიანებლად და აფხაზებთან ჩატეხილი ხიდების აღსადგენად ქმედითი ნაბიჯები არ გადავდგით

ჩვენი შვილები და მომავალი თაობები სწორედ ჩვენ მოგვთხოვენ პასუხს, თუ ქმედითი ნაბიჯები არ გადავდგით ჩვენი სამშობლოს გასაერთიანებლად და აფხაზებთან ჩატეხილი ხიდების აღსადგენად, - ამის შესახებ „ერთიანი საქართველოს“ ლიდერმა, ნინო ბურჯანაძემ სოხუმის დაცემის დღესთან დაკავშირებით განაცხადა.

როგორც ნინო ბურჯანაძე აღნიშნავს, ამას ერთობა, კონკრეტული ნაბიჯები და ეფექტური ხელისუფლება სჭირდება.

„30 წელი გავიდა სოხუმის დაცემიდან. ეს დღე ერთ-ერთი ყველაზე დიდი ტრაგედიაა უახლოეს ისტორიაში არა მხოლოდ იმ თაობებისთვის, რომლებიც ამას მოვესწარით, არამედ შემდეგი თაობებისთვისაც. ტკივილი შეიძლება მხოლოდ მაშინ შემსუბუქდეს, როდესაც ყველანი გავერთიანდებით და დავბრუნდებით აფხაზეთში. წლები გადის, ჩვენ კი არც ერთი რეალური ნაბიჯი არ გადაგვიდგამს იმისათვის, რომ დაწყებულიყო შერიგების პროცესი, აღგვედგინა ნდობა. ვერც ისეთი სახელმწიფო შევქმენით, რომელიც მიმზიდველი გახდებოდა აფხაზებისთვის. დრო ჩვენს წინააღმდეგ მოქმედებს. ეს კარგად უნდა გვესმოდეს. წარმოუდგენელი იყო, რომ 30 წლის თავზე ისევ გაყოფილი და ე.წ. საზღვრით დაშორებული ვიქნებოდით. მაგრამ ეს სამწუხარო რეალობაა. თუმცა რეალობა, რომელსაც არ უნდა შევეგუოთ. ჩვენი შვილები და მომავალი თაობები სწორედ ჩვენ მოგვთხოვენ პასუხს, თუ ქმედითი ნაბიჯები არ გადავდგით ჩვენი სამშობლოს გასაერთიანებლად და აფხაზებთან ჩატეხილი ხიდების აღსადგენად. ამას კი ჩვენი ერთობა, კონკრეტული ნაბიჯები და ეფექტური ხელისუფლება სჭირდება“, - განაცხადა ბურჯანაძემ, რომლის კომენტარსაც „ერთიანი საქართველო“ ავრცელებს.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას