„ომიკრონიდან“ „ომიკრონის“ რეინფიცირების შემთხვევები ჯერ ჩვენთან არ დაფიქსირებულა - შესაძლებელია იყოს, მაგრამ ლაბორატორიულად არ დაგვიდასტურებია, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისი საკოორდინაციო საბჭოს სხდომის დასრულების შემდეგ განაცხადა.

გარდა ამისა, მან ისაუბრა ორჯერადად აცრილებში დაცვის პროცენტულ მაჩვენებლებზე და აღნიშნა, რომ „ბუსტერ“ დოზის გაკეთების შემთხვევაში დაცვის ყველა მაჩვენებელი 99%-მდე იზრდება.

"ორჯერადად აცრილებში ინფიცირებისგან დაცვა გვაქვს 86,9%, ჰოსპიტალიზაციისგან დაცვა გვაქვს 90,6%, 94,1% გვაქვს დაცვა ინტენსიურში მოხვედრაზე და სიკვდილიანობაზე 94,3%. თუ მესამე, „ბუსტერ“ დოზას იკეთებ - ყველა ეს მაჩვენებელი იზრდება 99%-მდე", - განაცხადა გამყრელიძემ.