კულტურისა და ძეგლთა დაცვის ყოფილი მინისტრი ნიკა ვაჩეიშვილი თეა წულუკიანის მიერ კულტურის სფეროს მართვას “ყველაზე არაკულტურულ მართვას” უწოდებს და აცხადებს, რომ “მან შეიძლება სხვანაირი მართვა არც იცის”.

როგორც ვაჩეიშვილმა ჟურნალისტებს კულტურის წარმომადგენლების შეხვედრაზე, კულტურის სფეროს დღეს არსებულ მმართველობაზე საუბრისას განუცხადა, “ქართულმა ოცნებამ” უნდა გაიაზროს, რომ ასე გაგრძლება აღარ შეიძლება.

“ეს კულტურის ყველაზე არაკულტურული მართვაა - ასეთი რამ ვინმეს რომ ეთქვა, ყველა შევიცხადებდით და ვიტყოდით, რომ ეს ფილმის ცუდი სცენარია, მაგრამ ეს ჩვენს ცხოვრებაში დადგა. ქალბატონი თეა არ აპირებს, რომ პოზიციებს გადახედოს. შეიძლება მართვის სხვანაირი სტილი არც იცის. პირდაპირ ციხის და კანონსაწინააღმდეგო ქმედების აღკვეთის პოზიციით მართვა მიმდინარეობს ჩვენი მეცნიერების, კარგი ხალხის და გადასარევი კულტურული მემკვიდრეობის.“ქართულმა ოცნებამ” მთლიანად უნდა გაიაზროს, რომ ასე გაგრძელება არ შეიძლება”,- განაცხადა ნიკოლოზ ვაჩეიშვილმა.