დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბავშვებში ინფიცირების წილობრივი მაჩვენებელი მომატებული არ არის და კვლავ 17-19%-ის ფარგლებში მერყეობს.

მისივე თქმით, იქიდან გამომდინარე, რომ ​მთლიანად ქვეყნის მასშტაბით, კოვიდინფიცირების რაოდენობა მომატებულია, ბავშვებში ინფიცირების მაჩვენებელიც გაზრდილია, თუმცა წილობრივად გასულ პერიოდთან შედარებით, რიცხვი არ შეცვლილა.

"ბავშვების წილობრივი პროცენტი არ არის მომატებული. წილი, ანუ საერთო ინფიცირებაში ისევ გვაქვს​ დაახლოებით 17-19%-ის ფარგლებში, მაგრამ რადგან მთლიანად ინფიცირების აბსოლუტური რაოდენობა მომატებულია, აქედან გამომდინარე, რა თქმა უნდა, ბავშვებშიც ინფიცირება აბსოლუტურ რიცხვში მომატებულია, მაგრამ ის რომ ბავშვების წილი უფრო მაღალი იყოს დღეს, ვიდრე იყო - ასე არ არის," - განაცხადა გამყრელიძემ.