ოკუპირებულ ე.წ. სამხრეთ ოსეთში, გასული დღე-ღამის განმავლობაში, კორონავირუსის რეკორდულად მაღალი მაჩვენებელი დაფიქსირდა. ამის შესახებ ადგილობრივი სააგენტო „რესი“ ე.წ. მთავარ სანიტარულ ექიმზე მარინა კოჩიევაზე დაყრდნობით წერს.

ოკუპირებულ რეგიონში მთლიანად ჩატარებული 372 ნიმუშის კვლევის შედეგად, დაინფიცირების 204 ახალი შემთხვევა გამოვლინდა.

მისი ინფორმაციით, დღეისთვის, კორონავირუსის აქტიური მაჩვენებელი 1527-ს შეადგენს, 65 ადამიანი გამოჯანმრთელდა.

პანდემიის დაწყებიდან დღემდე, დაინფიცირების მაჩვენებელია 12 102-ს შეადგენს, გამოჯანმრთელდა 10 575 ადამიანი.