"რეფორმების ჯგუფის" ლიდერები ხათუნა სამნიძე, გიორგი ვაშაძე, თეონა აქუბარდია და სერგო ჩიხლაძე საქართველოში უკრაინის ელჩს, იგორ დოლგოვს შეხვდნენ და უკრაინისადმი მხარდაჭერა დააფიქსირეს.

როგორც შეხვედრის შემდეგ რეფორმების ჯგუფის თავმჯდომარემ ხათუნა სამნიძემ აღნიშნა, ჩვენი სტრატეგიული პარტნიორის მხარდაჭერა და მხარდაჭერისთვის პრაქტიკული ნაბიჯების გადადგმა, მათ შორის ხმამაღალი მხარდამჭერი განცხადებები, სასიცოცხლოდ მნიშვნელოვანია.

ასევე შეხვედრაზე მყოფმა "სტრატეგია აღმაშენებლის" თავმჯდომარემ გიორგი ვაშაძემ აღნიშნა, რომ ხელისუფლების პოზიცია, რომელიც არის სირაქლემის პოზიცია უკრაინასთან მიმართებაში, არის დიდი საფრთხის მომტანი საქართველოსთვის.

ვაშაძის აზრით, ის პრინციპი, რომელიც აქვს უკრაინას, ,,არაფერი უკრაინის შესახებ, უკრაინის გარეშე", უნდა ვრცელდებოდეს საქართველოს მაგალითზეც.