პარტიის „პროგრესი და თავისუფლება” ლიდერი, კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს.

კახა ოქრიაშვილის განცხადებით, კლიპი სიძულვილის ენით არის სავსე. ოპოზიციონერი პოლიტიკოსი მოსახლეობას მოუწოდებს, მივიდნენ გადამწყვეტ რეფერენდუმზე.

„ვნახე „ქართული ოცნების“ წინასაარჩევნო კლიპი, „დავასრულოთ ნაცები“. რა შემიძლია ვთქვა:

1. კლიპი აღსავსეა ზიზღისა და სიძულვილის ენით.

2. ცხრაწლიანი მმართველობის შემდეგ, „ქოცებს“ სათქმელი არაფერი აქვთ: ვერ დაიკვეხნიან, რომ რამე გააკეთეს. პირიქით, ქვეყანა რეგრესშია ყველა მიმართულებით. ვერც სამომავლო დაპირებებს აძლევენ მოსახლეობას, რადგან გასული ცხრა წლის მანძილზე ყველამ დაინახა, რომ არაფერი შეუძლიათ.

3. რეალურად, „გაცრუებული ოცნება“ მთავრდება და ჩემდა სამწუხაროდ, ამთავრებს ჩვენს ქვეყანასაც. ამიტომ, აუცილებლად მოდით გადამწყვეტ რეფერენდუმზე და შემოხაზეთ ოპოზიცია!“, - აცხადებს კახა ოქრიაშვილი.