ოთარ კახიძე მოსამართლეების განცხადებებზე - ეს არის პირდაპირ პუტინის რეჟიმის არგუმენტების გამეორება

„ევროპული საქართველოს“ ერთ-ერთი ლიდერი, ოთარ კახიძე, მოსამართლეების განცხადებებსა და პარტნიორების მიმართ მათ წერილს ეხმაურება და აღნიშნავს, რომ სასამართლოს წარმომადგენლების მხრიდან ამგვარი განცხადებები საკმაოდ შემაშფოთებელია და პირდაპირი გამეორებაა პუტინის რეჟიმის არგუმენტების, რომ სუვერენულ დემოკრატიაში არ უნდა ჩაერიოს დასავლეთი და არ უნდა მისცეს ინსტიტუტებს რჩევები.

კახიძის განცხადებით, თუკი საქართველო ფეხზე დგას, ეს სწორედ დასავლეთის დამსახურებაა და „ასეთი პუტინური არგუმენტებით საუბარი არის ძალიან შემაშფოთებელი და მიჰყვება იმ გეზს, რაც აღებული აქვს ივანიშვილის რეჟიმს“.

„საკმაოდ შემაშფოთებელი რიტორიკაა სასამართლოს წარმომადგენლების მხრიდან ჩვენ სტრატეგიულ პარტნიორებზე, დასავლეთის მიმართულებით, აშშ-ისა და ევროკავშირზე ასეთი ტონით საუბარი. ეს არის პირდაპირი გამეორება პუტინის რეჟიმის არგუმენტის, რომ რაღაც სუვერენული დემოკრატია არსებობს და არ უნდა ჩაერიოს დასავლეთი ამ კუთხით და მათ არ უნდა მოგვცენ შესაბამისი რჩევები.

აშშ-ისა და ევროკავშირის დახმარებასა და მათ გვერდით დგომაზე არის ძალიან დიდწილად დამოკიდებული საქართველოს სუვერენიტეტიც, ტერიტორიული მთლიანობაც და ჩვენ, როგორც სახელმწიფო, რომ ფეხზე ვართ, არის სწორედ დასავლეთის და ამ ქვეყნების ოჯახის დამსახურება. ასეთი პუტინური არგუმენტებით საუბარი, როდესაც ყველა აცნობიერებს, ყველა მიუკერძოებელი დამკვირვებელი ამ ქვეყანაში, არა მხოლოდ პოლიტიკური პარტიები, არამედ მთლიანი არასამთავრობო სექტორი, სახალხო დამცველი და ვინც კი საქართველოს მეგობარი და გულშემატკივარია, ყველა ამბობს, რომ ძალიან მძიმე პრობლემები გვაქვს სასამართლო სისტემაში, ამის პასუხად კი სუვერენულ დემოკრატიაზე აპელირება არის ძალიან შემაშფოთებელი, თუმცა ლოგიკურად ჯდება იმ მიმართულებაში, რაც აქვს მთლიანად ივანიშვილის რეჟიმს აღებული იმ გეზში, რომ ისინი ცდილობენ თავიანთი ოლიგარქის მმართველობის განსამტკიცებლად ყველა სახელმწიფო ინსტიტუტი ჩაიგდონ ხელში,"- განაცხადა კახიძემ.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას