ლევან კობერიძე - „ლელოზე“ გული მწყდება, ისინი, ფაქტობრივად, „ნაციონალური მოძრაობის“ მძევლები გახდნენ

„ლელოზე“ გული მწყდება, ისინი, ფაქტობრივად, მძევლები გახდნენ „ნაციონალური მოძრაობის“, - ამის შესახებ პარლამენტის ყოფილმა წევრმა, ასევე „ლელოს“ ყოფილმა წევრმა ლევან კობერიძემ ტელეკომპანია „პალიტრანიუსის“ გადაცემაში „360 გრადუსი“ განაცხადა.

როგორც კობერიძე აღნიშნავს, „ლელოსთან“ ერთად იმიტომ მიიღო არჩევნებში მონაწილეობა, რომ მათი მთავარი მისია იყო არც „ქართული ოცნება“ და არც „ნაციონალური მოძრაობა“.

„ლელოზე“ გული მწყდება. რატომაც მივიღე მათთან ერთად არჩევნებში მონაწილეობა, შეთანხმებული ვიყავით, რომ მთავარი მისია იყო არც „ნაციონალური მოძრაობა“, არც „ქართული ოცნება“ და ახალი ალტერნატივის შეთავაზება საზოგადოებისთვის. შემდეგ პროცესები რაც წარიმართა, ვხედავ, რომ ისინი ფაქტობრივად, მძევლები გახდნენ „ნაციონალური მოძრაობის“. „ნაციონალურ მოძრაობას“ ვერ დავუკარგავ იმას, რომ პოლიტიკაში ძალიან გამოცდილები არიან, „ნაციონალურმა მოძრაობამ“ მათთვის სათავისოდ სწორი ნაბიჯები გადადგა, მელიას დაჭერით დამთავრებული.

აქ გაიყო ჩვენი გზები. ჩემთვის მიუღებელი იყო ეს ყველაფერი, რომ აღმოვჩენილიყავი ერთ-ერთ პოლუსში ისევ, ან „ქართულ ოცნებასთან“ ან მეორე უკიდურესობა ჩემთვის მიუღებელი „ნაციონალური მოძრაობა“. „ლელოსთვის“ ეს პრობლემა არ აღმოჩნდა და ამიტომაც არის ახლა ცუდ დღეში, მათ თან უნდათ თქვან, რომ კარგი ტიპები არიან და მელია ციხეში არ მიუტოვებიათ, თან დოკუმენტზე ხელი მოაწერეს, თან ბრიუსელში წავიდნენ და არ ვიცი იქ რას ლაპარაკობენ. ბოდიში, მაგრამ პოლიტიკაში ყველაფერი ერთად, ისევე როგორც ცხოვრებაში, არ გამოდის“, - განაცხადა კობერიძემ.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას