ირმა ნადირაშვილი რეგლამენტის ცვლილებაზე - ასეთი ფორმით ვაჭრობენ და თანამდებობას სთავაზობენ ოდიოზურ, კორუმპირებულ და სამარცხვინო ფრიდონ ინჯიას

„ევროპული საქართველოს" წევრის, ირმა ნადირაშვილის განცხადებით, „ევროპელი სოციალისტების" წევრის, ფრიდონ ინჯიასთვის არათუ პარლამენტის ვიცე-სპიკერის პოსტის შეთავაზება, „არამედ მისი საკანონმდებლო ორგანოში მოხვედრაც კი სრული სირცხვილია“.

ასე გამოეხმაურა, ნადირაშვილი პარლამენტის რეგლამენტის ცვლილებას და აღნიშნა, რომ „ქართული ოცნება" მსგავსს თანამდებობას სთავაზობს: „ოდიოზურ, კორუმპირებულ, სამარცხვინო, შევარდნაძის დროინდელი ჩინოვნიკს - ფრიდონ ინჯიას“.

„ეს არის პირდაპირ რეგლამენტის მორგება ვაჭრობაზე, სხვა სახელი ამას უბრალოდ არ აქვს. როგორც ვიცით, ფრიდონ ინჯიასათვის პარლამენტის ვიცე-სპიკერის პოსტი უნდათ. თავი რომ დავანებოთ, სრული სირცხვილია ამ ოდიოზური, კორუმპირებული, შევარდნაძის დროინდელი ჩინოვნიკის პარლამენტშიც მოხვედრაც და შემდეგ უკვე ასეთი ვაჭრობის ფონზე ვიცე-სპიკერის თანამდებობის შეთავაზება, ეს ნიშნავს, რომ „ქართული ოცნების" ლიდერებს არ აქვთ თავმოყვარეობა და არც ბატონ ინჯიას არ აქვს. საქართველოს უმაღლესი საკანონმდებლო ორგანო არ აქვს, ესაა ერთ-ერთი ბაზრობა, სადაც ასეთი ფორმით ვაჭრობენ და თანამდებობას სთავაზობენ ოდიოზურ, კორუმპირებულ და სამარცხვინო ფრიდონ ინჯიას“, - განაცხადა ნადირაშვილმა.

ცნობისთვის, რეგლამენტში დაგეგმილი ცვლილებებით, პარლამენტში ოპოზიციის სტატუსით შესულ დეპუტატებს ის უფლებამოსილებები ეძლევათ, რაც ფრაქციას გააჩნია.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას