ირმა ნადირაშვილი - ოპოზიციონერი დეპუტატებისათვის უფლებამოსილების შეწყვეტით ოფიციალურადაც გაფორმდება, რომ საქართველოს აქვს ერთპარტიული, ჩრდილოკორეის პარლამენტი

ოპოზიციონერი დეპუტატებისათვის უფლებამოსილების შეწყვეტა ოფიციალურად გააფორმებს ერთპარტიულ, ჩრდილოკორეულ პარლამენტს, - ასე ეხმაურება „ევროპული საქართველოს” წევრი, ირმა ნადირაშვილი, პარლამენტის ოპოზიციონერი წევრებისთვის სადეპუტატო უფლებამოსილების შეწყვეტის პროცესს.

ნადირაშვილის თქმით, მანდატების შეწყვეტის პროცესი ფორმალური ნაწილია, რადგან ის ოპოზიციონერები, ვისაც განცახდება აქვთ დაწერილი, ისედაც არ ესწრებიან საპარლამენტო სხდომებს.

„ეს არის ფორმალური საკითხი, იმიტომ, რომ ისედაც ის დეპუტატები, ვისი უფლებამოსილების საკითხის შეწყვეტაც უნდა დადგეს, მაინც არ ესწრებიან სხდომებს და ხმამაღლა აქვთ გაცხადებული, რომ არ თვლიან თავს პარლამენტის წევრებად. ამიტომ, ეს იქნება მხოლოდ ფორმალობა, „ქართული ოცნება“ ისედაც სასაცილო მდგომარეობაში ჩავარდა, როდესაც ადამიანებს, ვისაც მანდატის დათმობა აქვს გადაწყვეტილი, ძალით არ უწყვეტს უფლებამოსილებას, აქვთ ორმაგი სტანდარტი, როდესაც ვნახეთ, რომ გახარიას შეუწყვიტეს მანდატი, „პატრიოტთა ალიანსის“ რამდენიმე წევრს, სადაც გარიგება და მოლაპარაკება იყო, შეუწყვიტეს მანდატი და ოპოზიციის დანარჩენ ნაწილს ამ სესიის შემდეგ, როდესაც უკვე უფლებამოსილება შეუწყდებათ პარლამენტის წევრებს, ოფიციალურადაც გაფორმდება, რომ საქართველოს აქვს ერთპარტიული, ჩრდილოკორეის პარლამენტი“, - განაცხადა ნადირაშვილმა, რომლის კომენტარს „ევროპული საქართველოს” პრესსამსახური ავრცელებს.

იხილეთ ვიდეო:ირმა ნადირაშვილი - ოპოზიციონერი დეპუტატებისათვის უფლებამოსილების შეწყვეტით ოფიციალურადაც გაფორმდება, რომ საქართველოს აქვს ერთპარტიული, ჩრდილოკორეის პარლამენტი

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას