ბიძინა ივანიშვილი - ლევან ყიფიანზე უაღრესად გაღიზიანებული და გაბრაზებული ვარ - საერთოდ როგორ იყო ეგ კაცი მინისტრი?!

ლევან ყიფიანზე უაღრესად გაღიზიანებული და გაბრაზებული ვარ, საერთოდ როგორ იყო ეგ კაცი მინისტრი?!, - ამის შესახებ პარტია „ქართული ოცნების“ თავმჯდომარემ, ბიძინა ივანიშვილმა რამდენიმე მედიასაშუალებასთან შეხვედრისას განაცხადა.

ჟურნალისტი ვახო ხუზმიაშვილი ბიძინა ივანიშვილისგან დაინტერესდა, სჯერა თუ არა მას ყიფიანის ნათქვამი, რომ „ზაზა ოქუაშვილი მას მხატვრულ კითხვაში ამეცადინებდა“.

„გამოდის, რომ სპორტის ყოფილი მინისტრი არ არის ჯანმრთელი ადამიანი“, - მიმართა ივანიშვილს ხუზმიაშვილმა.

ამასთან დაკავშირებით ბიძინა ივანიშვილმა განაცხადა, რომ მისთვის ყიფიანის განმარტება არ არის სანდო.

„ეს არის ყველაზე მძიმე კითხვა. ამ კაცზე მე ვარ ძალიან გაბრაზებული და მაქვს მსგავსი პრეტენზიები, როგორ იყო ეს კაცი საერთოდ მინისტრი?! ჩემ დროს იყო ეგ მინისტრი. ის განცხადებები, რასაც ის აკეთებს, თუნდაც პროკურატურაში, ისეთივე ნდობას იწვევს ჩემში, როგორც ეს ჩანაწერები. უარღესად გაღიზიანებული და გაბრაზებული ვარ. რას აკეთებს, რას ყვება, ან ინტერვიუში, აბსოლუტურად არ არის შესატყვისობაში სიმართლესთან. ყიფიანს აბსოლუტურად არ ჰქონდა საშუალება ევლო ჩემთან, ან ფარცხალაძეს ევლო და მაგათი ჩხუბები მერჩია. როგორ წარმოგიდგენიათ თქვენ, რომ რაღაც ბიზნესში ვიღაცეები წაეკიდნენ, მორბიან ჩემთან და მე ვარჩევ მაგათ საქმეებს? მე ამის ფუფუნება არ მაქვს. ეს მხოლოდ „რუსთავი 2“- ს სჯერა. როგორ ახსენებს ეს კაცი ჩემს სახელს საერთოდ? მართალია პირდაპირ არ ამბობს, მაგრამ მინიშნებით შეიძლება ამის ამოცნობა. ყიფიანთან დაკავშირებით ბოლომდე თუ წაიკითხავვთ მის ნათქვამს, იკვეთება, რომ ყიფიანი ოქუაშვილის ნაცვლად მივიდა ფარცხალაძესთან, შეამოწმეს, რაიმე ჩამწერი ხომ არ აქვსო, არავითარი გაუპატიურება და სარდაფი არ ყოფილა. ყიფიანმა შეაგინა, რასაც თავადვე ამბობს და ქართველი კაცისთვის შეგინებაზე რეაქცია როგორია იცით. ეს ჩანს ჩანაწერებიდან“, - განაცხადა ბიძინა ივანიშვილმა.

ვახტანგ ძაბირაძე -  ხელისუფლება ღიად საუბრობს, რომ მას საქართველოში არ უნდა ევროპული არჩევნების ჩატარება, მთავარი ისაა, რომ ხელისუფლების ასეთ განცხადებებს ოპოზიციურ ელექტორატში ადეკვატური რეაქცია არ აქვს
ალექსანდრე თვალჭრელიძე - ნებისმიერი დონის არჩევნების ბოიკოტი გამოუსწორებელი შეცდომაა
ქართული პრესის მიმოხილვა 19.06.2025
„ზრუნვა წყალივით გვჭირდება“ - ნატურალური მინერალური წყალი „ბაკურიანი“ ახალ საკომუნიკაციო კამპანიას იწყებს
Herbalife „დაბალანსებული კვების“ კატეგორიაში ოქროს ბრენდის გამარჯვებული ზედიზედ მეოთხედ გახდა
Skillwill-ის კოლეჯს ავტორიზაცია მიენიჭა - პროფესიული განათლების ახალი ეტაპი საქართველოში
„სილქნეტის“ და „თიბისის“ ერთობლივი შეთავაზება - დაიბრუნე გადახდილი თანხის 30% ულიმიტო ინტერნეტის გააქტიურებისას